ما هو الحل ؟

انا استاجرت محل تجاري يدعي صاحبه انه للورثة ، درت معه عقد سنتين المحل خسرت عليه تقريبا10 مليون دالاصلاحات و فالاخر فين تطيح الشتاء كيغرق المحل و الماء كيدوز من كل الحيوطة ملي كنتصل بصاحب المحل نقولو مشكل قالي معندي مندير انا نعف غير خلاصي و المهم عام وزيادة و انا نخلص من بعد حبست قلتلو انا غاديا نسافر فشهر 3 قتلو اجي تاخد محلك قالي واخا ومجاش انا سافرت شهر 3 جيت شهر 8 لقيت داعيني بالمحكمة مطالب بافراغ المحل و و 2 مليون ونص كراء ديال8 شهور و وصلت بيه قلتلو انا را خسرت على هاد محل 10 مليون و سمحت باصلاحات لي درت وتفاهمت معه انو يجي ياخد محلو بلا منكلف محامي قالي واخا و بقى يستنى حتى تدفع الملف و قالي لا ضروري خاصني فلوس
دابا بغيت نعرف شنو خاصني ندير و شنو الحل لاني انا مبفيتش مزال بغيت هاد المحل لانو مكيدخل حتى 500 درهم فالشهر و الكرا ب 3000 درهم عاد زيد كولو كيسيل بالماء