المرجو المساعدة في الوصية الواجبة لأني لا أعرف المقدار

السلام عليكم أنا و أخي توفي والدنا رحمه الله منذ 8 سنوات منذ ذلك الوقت ونحن نعيش مع جدي وجدتي (من أبي) مؤخرا مات جدي رحمه الله و ترك عمارة بمدينة الدار البيضاء بالنسبة للورثه هناك ذكور (أعمامي 2) و إناث (5 عمات ) و جدتي مع العلم على أنها قد تنازلت عن نصيبها للجماعة ،
دبا أخويا قالو ليا بلي فهاد لحالة ديالنا غادي نشدو لحق ديال لأب ديالنا بحال إلى مزال عايش أو غادي ناخدو منو غير ثلث .. ماشي غادي نورثو حقو كامل
هذا أخويا هو لمشكل لي كاين أو قالو لي بلي درو عدد لموتى و الورتى أو لقاضي ليحكم هاكا حكم بلي غادي نشدو لحق ديال لأب ديالنا بحال إلى مزال عايش أو غادي ناخدو منو غير ثلث و الله أخويا معرفت ما ندير واش أنا لي على صواب أولى هما شي حل أخي الكريم جزاك الله خيرا و شكرا

بما انه يوجد اعمام ذكور وعمات اناث فهذا يعني ان كم غادي تاخذو حق باكم.
دابا هات عمارة الى تباعت او جابت 100 مليون مثلا او دارو قسمة وتبين ان القسمة اسفرت مثلا على ان حقكم في ابوكم هو 1/4 او سدوس يعني ربع او اكثر سوف يرجعونه ثلث.من مجموع الاملاك كلها يعني كاع الاملاك لي كاينة غادي جمعوها ويديرو قسمة نتما حقكم في حدود الثلث.

هانت أخويا نقولو أنه دارت لقسمة على أساس أن لوالد ديالنا مزال عايش يعني غادي يجيه نفس مقدار لي غادي يجي لعمي .. و بما أن كاين عمات أخرين و عم آخر .. منطقيا مغادش يكون حق لوالد ديالنا واصل أو فايت ثلث تركة كاملة .. في هاد لحالة لي وصفت ليك أخويا واش غادي يشدو لحق ديال لأب ديالي يعطونا منو فقط ثلث .. أولى غادي نخده كامل بعتبار أن حقه كاملا لا يساوي ثلث تركة كاملة و شكرا لك أخي الكريم

الجد ترك 3 ابناء و خمس بنات . بقاعدة للدكر مثل حظ الانثيين . فنصيب ابوك المتوفى قبل جدك هو 2/11 و هدا لا يصل الى الثلث . ادن سترثون مثل نصيب اعمامكم 2/11 يعني مثلا التركة كلها هي 11 مليون نصيب كل عم 2 دالمليون و العمات 1مليون . يعني العمات لهم مجتمعين5 ملايين(مليون لكل واحدة) و الاعمام و ابوكم لهم مجتمعين6ملايين(2 مليون لكل واحد).
حقكم يجب ان لا يتجاوز الثلث من كل التركة.
و ليس الثلث من نصيب ابيكم.
اتمنى ان اكون واضحا.