0 إجابة
351 مشاهدة

استشارة حول موضوع الأب يبيع المنزل بدون موافقة الزوجة والأبناء معرضين لتشرد

سئل منذ 3 أعوام بواسطة jalile.sam
351 مشاهدة
تم إجابة استشارة شبيهة هنا:
استشارة حول موضوع النفقة
(إجابة واحدة - منذ 8 أعوام)

سلام خويا نتمنا اكون نهاركم مبروك و صحتكم ديما تكون مزيانا،
بغيت نستاشر معاكم في و واحد المشكيل طرا الاسرة تاعي دبا جا عادنا واحد الراجل البارح كيصوني في الدار في الدار البيضاء حي روش نوار ( الصخور السوداء) معرفناهش نزلت عندو قاليا راه خاصكم تخويو دار راه هادي 5 شهر باش تبايعت معا باك وقاليا راه كلا نهار نوطير كي قطع شي اقتطاعات من هادشي، وانا أخويا ماكانفهم والو في هادشي وقلت ليه كيفاش تبايعتي معاه ونتا أصلا ما جيتي شفتي دار ما والو, و ما قال لينا والو قبل هادي 5 شهر فاش تبايع معاه ، قاليا بلاما نشوفها انا عارفها كيمديرا وقلت ليه ماحشوماش دبا نتا تبغي لي دير ليك هكا كما درتي لينا دبا بغا اشردنا إلوحنا في الزنقة وحنا ما فراسنا والو مال هادشي قاليا راهو مول الملك مال حقو ابيعها وقاليا واش ماقال ليكم والو على باش تخويو دار قالت ليه والله مافرسنا والو وبقا بحالا معصب عليا قاليا بناتنا المحكمة دبا، ( شكيت فيه اخوتي هادا سمسار مولف ادير هادشي لعائلات الناس اشردهم) و تصدمت و الوليدة وخوتي تاهم تصدمو صوناو عالا الواليد قاليهم سيرو البلاد (نواحي أكادير إمشݣيݣيل )سكنو معا جداتكم فيها راه بعت لكم دار بالفراش تاعها 😓 جدتي اصلا مافحالهمش تاهما... كان اخوتي قبل الواليد في دار ايام رمضان كيكدب علينا كيقول لينا هزيتو ليا وراق دار و وضرتهم وديما كان كيبغي انوض صداع على هادشي بلعاني حنا را ما فرسنا والو راه كان ككدب وباعها, هوا خارج تقاعد ودبا شردنا مابقيت فاهم ما ندير دبا والله كن كتب دبا ودموعي كيسيلو و العمر تاعي اخويا دبا 30 عام مامزوجش ما فراس مالي لا دار لا والو ،كانت غي كانبيع ونشري في الإنتريت من الدار في الحواسب المحمولة القديمة ( حينت تابع الضومين تاعي دبلوم تقني في صيانة الحواسب والشبكات) كنشريهم قدام وكانعود نصاوبهم ونزيد في الكفائة تاعم وكانبيعهم، باش نعاون في مصروف الدار، ودبا من بداية الايام تاع كورونا اخويا مابقيتش بعتهم حينت ولاو غالين وقلال اخوتي دابا مابقيتش كنبيع فيهم وليت دبا كانقلب على خدمة و كاندفع ل الامتحانات تاع الوظيفة العمومية باش غي نخدم اخوتي فاش ما كان... دبا زدت تصدمت أخويا فاش سمعت هادشي حينت مال بعد ان وليو ساكنين في الزنقة، انا هوا الكبير فيهم حنا 4 خوت في دار خويا صغير باقي غي 8 سنوات عندو و خواتاتي لا خرين وحدة مريضة ماتقدش تخدم و لي صغر منها مرا مرا كتخدم في مطبعة ودار معولين عليا غي انا 😔 الله ارحم ليكم الواليدين الى عارف كيفاش تفيدني في هادشي أخويا ولا شي محامي اتكلف ليا وخا انا ماعاديش فلوس باش ندير محامي غادي غي نتسلف وخا ما كنحملش نتسلف ونبيع حوايجي باش ندير محامي على قد الحال الا كاين شي أمل باش دار ماتباعش الا ماكان والو اخيا قولها ليا باش نزيد نقلب على خدمة وخا نبات انا في زنقة وما نخليش عائلتي مشردين في الزنقة، (سمح ليا أخويا الا طولت عليكم الهدرة حينت راك عارف لي كاين المعيشة في الدارالبيضاء غالية وحنا تزادينا فيها ومعمرنا مشينا المحاكيم ولا الكومساريا في حياتنا وما عندي تا فكرة على هادشي لي طرا لينا...)

تعليق أضف تعليق

تريد أن تحصل على إجابة الخبراء على هذا السؤال وفي أقل من 24 ساعة؟ اطرح سؤالك العاجل الآن!

أريد جوابًا عاجلًا
3.6k مشاهدة
سئل منذ 8 أعوام بواسطة Hanane
تم الرد عليه منذ 8 أعوام بواسطة دليلك القانوني
3.6k مشاهدة

إحصاءات

محكمتي في أرقام


74.8k
استشارة

27k
إجابة

135.6k
مستخدم

28.6k
تعليق