الطرد من بيت الزوجية

السلام عليكم من فضلكم اريد الاستشارة القانونية فيما يلي، في اليوم 15/03 خرجت من بيت الزوجية لزيارة اختي وباش نخلي بنتي الرضيعة عندها لان الوباء كان انتشر فالمغرب وتوقفات الدراسة وخفت نمشي فالمواصلات وانا معايا بنت رضيعة في عمر 3اشهر راجلي مابغاش يوصلني وتاصلت بولد خالتي جا باش يوصلني وفالطريق تاصل بيا زوجي وقال غدا رجعي للدار هزي حوايجك المهم انا ماخديتش الامر بعين الاعتبار لان هاد الجملة ديما تنسمعها وديما تيقهليا سيري فحالك وانا ما تنديهاش فيه ، ولغد ليه تاصلات بيا الام ديالو تتعايرني وتتغوت حيت ما جيتش مع العلم انني خرجت قدام مو خواتاتو لأني ساكنة معاهم فالدار،وما بقيتش مشيت حيت تفرض الحجر الصحي وحيت ماعنديش ورقة التنقل وهو خلانا ماعمرو ما سول فينا،وبقيت في بيت اختي الى اليوم ولكن الزوج ماتيسول ما تينفق علينا ما والو الى يومنا هذا،وانا ما هزيت لا حوايج بنتي لا اوراق ديالي لا والو حيت كنت معولة نمشي نحضر لاجتماع فالمؤسسة ونبات عند اختي ونرجع،ليوم تاصلت بيه وقلت ليه بغيت الاغراض ديالي رفض يعطيني حتى الاوراق وقال بيناتنا المحكمة، الله يخليكم شنو خاصني ندير?باش نبدا?مع العلم انني ماشي بنت لمدينة لي مزوجة فيها كون ماكانتش اختي ماغنلقا فين نكون بغيت حوايجي والاوراق ديالي،شنو خاصني ندير فين نمشي?ارشدوني من فضلكم