استشارة قانونية حول محلات إصلاح الهواتف و الكاميرات

السلام عليكم
بغيت نعرف واش كاين شي قانون تاينظم المعاملات بين الزبون و صاحب المحل فاش كاتخلي ليه شي جهاز ديالك للإصلاح بما أنه ماكاين تا عقد حيت واحد خليت ليه كاميرا و من بعد ماتقادات و عطيتو المبلغ المالي المتفق عليه و لي هو 800 درهم جربتها عندو ز تبين أن هناك عطب جديد ماكانش و قال ليا أنه غادي يصلحو و من تماك بغينا سير و اجي لمدة ثلاثة أشهر كل مرة اش تايقول و مرات ماتايجيش و تايطفي التيليفون و من بعد قال ليا أن الكاميرا ماتقاداتش و أنه خلال أيام تايرجع ليا الفلوس و بما أننا مغاربة و عارفين هاد السيناريو.. أيام ولات شهرين و هو تايدي و يجيب و دابا ماتايجاوبش و ماتايجيش للمحل و عندي المكالمات ديالو مسجلين و شهود واخا ماغايبغيوش يشدو عليه حيت تايعرفوه واش نبلغ عليه