التزام تعهد المحافظة على سرية العمل

السلام عليكم أنا "كنت" خدام مع شركة خاصة في مجال informatique و عند طلبي من الشركة بالاستقالة طلبو مني أن أقوم بالامضاء على التزام وبعد ما سنيت الالتزام قالو لي بلي غاتاخد الحساب ديالك و وراق ديالك تادير فورماسيون لمدة 3 ايام لواحد الشخص و الالتزام اللي سنيت عليه هو كالآتي، " تعهد المحافظة على سرية العمل أتعهد أنا كريم..... الحامل للبطاقة..... أن أحافض على السرية التامة في عملي بكل دقة و ذالك طيلة مدة عملي لدا شركة xxxxxx و بعد انهاء عملي لديهم و ذالك في كل ما يتعلق بجميع المعلومات الخاصة بالخدمات و العمليات اللتي تعمل بها الشركة في ما يخص التعاملات الخارجية و الداخلية و العمليات المتعلقة بعملاء للشركة و اللتي ألم بها و اللتي قد تصل الى علمي و اطلاعي جراء عملي لدى الشركة و ان اراعي الكتمان التام في ما يتعلق باعمال الشركة و العمليات اللتي تقوم بها. و اصرح بان اي خلل يصدر عني و بالتزامي بالمحافظة على السرية المطلقة لاعمال الشركة او عملائه او علاقاته او اتصالاته سيعرضني للمسائلة القضائية. " سنيتو و مشينا للمقاطعة كاليزيناه يغيت نسول واش هاد الالتزام يمكن يسبب خطر أو مشكل ليا بحيث هاديك المسائلة القانونية واش يقدر يكون فيها الحبس أو غرامة مالية مع العلم أنني بديت نخدم فنفس الضومين عمل شخصي خاص بي على الأنترنت لكن ما استعملت حتى شي حاجا عندها علاقة بالشركة اللي خدام معاها ( العمل اللي بديت كيتمثل فالاعلانات عبر البريد الإلكتروني لاناس في امريكا و من الحوايج اللي يمكن نستعملها في العمل ديالي او مع شركة اخرى وفنفس الوقت تعلمتها عند تواجدي و عملي مع الشركة xxxxxx هو المواقع اللي كاتعطي هاد الإعلانات واللي كتواجد في الانترنت للعموم و أي واحد يقدر يتسجل معاهم ويخدم معاهم ) السؤال ديالي مرة أخرى واش هاد المسائلة القانونية اللي سنيت عليها واش كيدخل فيها الحبس أو غرامة مالية ؟ ( الشركة خدام معاهم لأكثر من عام و نصف من شهر 11 فسنة 2016 وهوما كيقولولنا غنصايبو ليكم الوراق و غنديرو ليكم CNSS مع العلم أن الصالير كنا كنشدوه كاش يعني مكيدوزش عبر البنك حتى لشهر 9 سنة 2017 عاد بداو يسيفطولينا فالبنك و CNSS بدات كتخلص حتى لشهر 9 2017 و ماسنيت معاهم لا كونطرا لا والو ماعمرني عطاوني شي ورقة نسنيها قبل هاد الالتزام مع العلم انهم طلبوني باش نتراجع على قرار الاستقالة ولكن رفضت بحكم انني مابقيتش مرتاح معاهم بسبب التعامل ديالهم و بأنني باغي ندير عمل شخصي عبر الانترنت باش نكون متفرغ ليه مع العلم انهم ماعجبهمش الحال انني نطلب الاستقالة اكثرية بعد محاولتهم بانهم يزيدوني فالصالير الى بقيت معاهم و بسبب انني رفضت نتراجع خفت يكونو داروهالي بلعاني هاد الالتزام باش ينتاقمو مني أنني طلبت الاستقالة )