انا وجوزي متطلقين شفوي ومش راضي يطلع عند مأذون

انا وجوزي متطلقين شفوي ومش راضي يطلع عند مأذون فرفعت عليه قضيه خلع مع اني مكنتش عاوزه كده كنت بقول يطلق عند مأذون وخلاص ومش عاوزه بهدله في المحاكم لا ليا ولا ليه وروحنا عند المأذون ومضيت علي تنازل عن القايمه والمؤخر وكان فاضل انه يمضي علي ورقه الطلاق قام قايلنا مش هطلق ومشي
المهم قطعت التنازل والمأذون قالي ارفعي هلع وفعلا رفعت خلع بس المحامي كل شويه يقولي هنقعد سنين في المحكمه لانه من القاهره وانا من المنوفيه ومش بيمضي ع الاعلان والمحامي بيقولي مش هينفع المحكمه تحكملك بالخلع ده بدون علمه ولازم يمضي ع الاعلان وبصراحه ما عدتش عارفه اعمل ايه وتعبت من الموضوع اللي مش راضي يخلع لاني كنت عايشه مع راجل نرجسي بمعني الكلمه وكان موريني النجوم في عز الضهر مع اتي قسما بالله كنت عاوزه اعيش زي اي واحده حياه بسيطه مفيهاش مشاكل ومكنتش حابه يحصل كدا واديته مليون فرصه وبرضو ما بيتغيرش وكل مره بيكون اسوء من المره اللي قبلها ضرب واهانه والمحامي مكبر دماغه من كل حاجه وكل شويه يقولي عايز فلوس مع انه معملش اصلا اي حاجه ومن ناحيه تانيه مش عارفه اغير المحامي ده عشان الفلوس اللي خدها واكيد اي محامي جديد هيحتاج فلوس برضو كتير فمش عارفه اغيره عشان كده
والكائن اللي كنت متجوزاه ده بعتلنا امه محمد عشان يرجعني وانا موافقتش لاني مش اول مره اغضب بسبب ضربه ده ومكنش بيدفع جنيه ليا ولا لبنته لما كنت بغضب وكان بيتكلم عليا كلام مش كويس خالص مع الناس ودلوقتي لما لقي انه مفيش امل من رحوعي ليه عمال يجيب ارقام الناس اللي من عندنا من البلد من ع الفيس ويكلمهم ويقولهم عني كلام مش كويس برضو وعمال يبوظ في سمعتي وكل شويه حد ييجي يقولنا جوزك بيقول عليكي كلام مش كويس واحنا مش هنقدر اصلا نقوله ولا نتلفظ بيه ، وفي نفس الوقت اهلي ملهومش في المشاكل وماشيين جمب الحيط زي ما بيقولوا يعني ملهومش في الغلط عشان محدش يقترح اننا نستدرجه ونضربه ونخليه يطلق غصب لاني اقترحت الاقتراح ده عليهم اكار من مره ومحدش موافقني الرأي ده
دلوقتي هو كان باعتلي رسايل صوتيه ع الواتس من شهر بيهددتي فيها انه هياخد البنت وهيعملي فضيحه في البلد وبيقول كلام وحش برضو وفي اخر ريكورد عمله بيقول فيه انه مش هيهداله بال برضو غير لما يرجعني تاني وده طبعا يدل انه مريض نفسي لانه لو كان شخص متزن مكنش قل ادبه وبعدين يقولي هرجعك لان ببساطه مفيش واحده هترحع لواحد بيهينها وبيهددها
المهم انا عملت محضر بالرسايل دي عندنا في البلد والمحضر اتحفظ لانه مفيش شهود مع اني مش عارفه ايه لازمه الشهود طلاما الرسايل برقمه وبصوته كمان دا حاي مل طلبوش ياخدوا اقوالي في النيابه وحفظوا المحضر علي طول بناءا علي كلام المحامي اللي معايا
السؤال دلوقتي هل ينفع اعمل محضر بالرسايل دي في مباحث الانترنت في العباسيه ولا لا لانه مر شهر ع الرسايل دي فعل هينفع اعمل بيها محضر ولا هيقولوا كان لازم اول ما بعتها وهل هعرف اخد منه حقي ولا لا
مش عاوزه كلام يعيشني في الوهم عاوزه ردود واقعيه عشان انا اتظلمت والله جامد ومبقتش عارفه اعمل حاجه حاسه ان حقي ضاع واني مش هتكلق وانه هيفضل يتكلم عليا كدا ويشوه سمعتي قدام الناس وخلاص
بجد حسبي الله ونعم الوكيل في كل واحد بيستقوي علي ست وبيهينها وكمان بيشوه سمعتها عشان مش طايلها