المراجعة الضريبية

الله يجازيكم بخير، الواليد ديالي توفا الله يرحمو يرحم جميع المسلمين في سنة 2025, في الإجراءات مع مديرية الضرائب خرجو لينا واحد المراجعة ما بين 2021 و 2022 ديال واحد الشقة كان شراها في 2014 و باعها في 2020 ب 46 مليون، خلص و صرح لمديرية الضرائب بكلشي. اليوم مشينا عندهوم على قبل الإبراء الضريبي قالو لينا خاصنا نخلصو 41000 درهم، منين سولناهم علاش قالو لينا الشقة اللي باعها خاصها تباع ب 60 مليون ماشي 46. شرحنا ليهم قلنا ليهم را الشقة في سكن إقتصادي، و ما مصلوحاش و سفليا و ماكدورش ليها الشمس بتاتا، يعني را تا ديك 46 مليون باش باعها و راها غالية. قالو لينا جيبو تصاور ديالها من الداخل و الخارج . بالله عليكم، واش هدا منطق كيخدمو بيه؟ واش نمشي ندق على السيد مكنعرفوش نقوليه سمح ليا بغيت نصور دارك؟ الله يجازيكم بخير شي حل و لا شي طريقة باش نقنعوهم بأنه داكشي اللي صرح بيه را هو اللي كاين و شكرا