بسم الله الرحمن الرحيم
الصلاة والسلام على نبينا محمد ، حبيت استفسر عن سيارتي ايجار منتهي بالتمليك تأخرت قسطين بسبب حوادث قديمة انا لست مخطي في الحوادث والشركة طلبو مني ادفع نسبة تحمل الطرف الثاني ورفضوا اصلاح السيارة ايضا رحت لهم اسلمهم السيارة رفضوا استلامها وقالوا ناحذ منك السيارة في المحكمة وبعد شهر تقريبا نسيت فيها مبلغ مبالي وجهاز لاب توب واصحى ثاني يوم مالقيتها بلغت الشرطة احسب احد سرقها اتضح ان مندوب الشركة فتح السيارة واستخدمها ثلاثة ايام ووضع علي مخالفة استخدام الجوال اثناء القيادة وبعد مراجعتهم لاخذ فلوسي واللاب توب قالوا لي ادفع القسطين مع قيمة السطحة وتروح تاخذ اغراضك المهم اني سددت ورحت باخذ السيارة واغراضي تفاجأت بان السيارة وضعها متغير وماادري هل هو المندوب اللي سرق الفلوس واللاب توب والا الشركة الهم اني نكروني حتى المخالفه مصور فيها مندوبهم وهو ماسك الجوال رحت للشركة مديرهم قام يتهرب مني وبعدها رحت الشرطة الشرطة الزموني بالتوقيع على تعهد اني مااشتكي الشركة في الشرطة وافادوني انه هذا من اختصاص المحكمة رحت المحكمة اول جلسة ماحضروها ثاني جلسة الشيخ تغير حتى عيونه مايقدر يحطها بعيوني ماادري وش السالفة المهم اني قالي اصرف النظر عن الموضوع وهذا مو اختصاص المحكمه قلت له اختصاص مين صارخ في وحهي وقالي شايفني عندك محامي المهم طلعت وانا مستغرب من الامر هل اروح للشركة واخذ حقي بيدي مثل مااخذوا حقهم بيدهم والا وش اسوي مع العلم بأن السيارة حالياً موجودة معي ولي تقريبا 11 قسط مادفعتها والشركة لم يطالبوني ولم يرفعوا علي شكوى ولم يتصلوا بي لمطالبة اقساطهم اتمنى منكم افادتي وش اسوي ومين الجهه المسؤوله عن هذا الموضوع مع العلم بأني قدمت شكوى اخيره في امارة الرياض وذكرت فيها بأني غير مسؤول عن السيارة في حالة استخدامها بما يضر امن الدوله او قد يسلمو مفتاح السيارة لاي شخص يقولوا له سوي فيها اي شي ورجعها له واروح فيها انا فأتمنى منكم اخواني مساعدتي وش اسوي ومين الجهه المسؤوله عن هذا الموضوع
0 Comment Add a comment
أي تهاون في السداد يعطي الحق للشركة في طلب الأداء بل وطلب الفسخ واسترجاع السيارة لأنها لازالت على ملكهم.
الموضوع ليس من اختصاص الشرطة لأنه دين تجاري وتنظر فيه المحكمة حسب من سيتقدم بالطلب.
استرجاع السيارة لا يمكن أن يكون بدون حكم قضائي حتى تتحدد المسؤوليات عن السيارة بعد استرجاعها.
كونهم أخذوا منك السيارة بدون أمر قضائي يعتبر خطأ منهم يوجب مساءلتهم خاصة وأنك تعرضت للسرقة.
قول الشرطة وأخذهم عليك تعهدا بعدم الشكوى على الشركة لا معنى له إذا كانت الشكوى تتعلق بالسرقة التي تعرضت لها.
الحل أن تسدد أقساطك المتبقية وتطالب بتسوية الموضوع ونقل ملكية السيارة إليك.
0 Comment