السلام عليكم،
اليوم كنت غادي فطريق ،جبت واحد المدار و دخلت واحد الباركينغ.

انا في الباركينع شي 5 دقايق جا عندي بوليسي بلا شكارة و لكن لابس لبسة قالي وراق السيارة، مع العلم انه ماشي شرطي المرور قلت ليه شنو المخالفة لي داير، قالي دزتي في الخط المتصل, ، بما يعني انني دزت في الخط و دخلت نيشان في الباركينغ بلا ماندير المدار.

و تحديدا قالي آخر سيارة دخلات الباركينغ دازت فالخط قلت ليه را ماشي انا و الله، يعني هو براسو مامتأكدش بلي راه انا مول المخالفة.

المهم خدا لاكارط و ما لونساني ما ولاو بقا واقف أنا قتليه شنو المعمول قالي أتخلص و قلت ليه مرحبا و دعيتك الله,بصراحة كان ساهل ترشي بحال هاد الشرطي لكن ماحولتش نرغبو لأنني كنت متؤكد انني مادرتش المخلافة.

جات واحد الدورية و بقا يشير ليهم يعني ما لونسا فالراديو ما والو هي دايزين هادوك على الله و هوما لي حررو لي المحضر, حاولت نقنعوا و حسيت بيه بغا يتراجع لكن مين شاف لاخرين و شافني حتى أنا بديت نغوت و ندعي بالحكرة تشبت بداكشي.

السؤال :
هل أي شرطي هو محلف ؟
كيف يمكن نقدم شكاية ضد هاد الشرطي ؟ هل الشكاية تكون في المحكمة ولا للمسؤول ديالو و كيف ذلك ؟

و شكرا جزيلا و سحو لييا على الدارجة