خويا الحالة ديالنا مشابهة للحالة ديالك
تاحنا قالو لينا الافراغ ممنوع في رمضان المهم عطانا تاريخ محدد حيث قام المفوض القضائي بتبيلغنا وتبليغ العمالة و المكتري بتاريخ التنفيذ
وتبليغ العمالة من اجل ايتخدام القوة العمومية
اما الملف فيبقى في المحكمة. على حد علمي

شكرا على مرورك
العجب ماعرفتش علاش كاين الملف فالعمالة ، زائد مزال ماحددوش لينا تاريخ التنفيذ

تاريخ التنفيذ كيحددو ليك الموظف ديال التنفيذ لي في المحكمة

شكرا
عاوتني قالولنا الملف خص يسني فيه الباشا والقايد ...

نعم اخي الكريم ما قاالوه صحيح
مثلا حنا أعطانا الموظف تاريخ التنفيذ يوم 25/06/2018 قبل هذا التاريخ تمت فيه جميع الإجراءات و التي منها : تبليغ المكتري ، وتبليغ المكري ، تبليغ القيادة أو العمالة أو الباشوية وتم إمضاءها ويجب أن يصبح الملف جاهز قبل موعد التنفيذ ،ن ويوم 25/06/2018 خرج موظف التنفيذ ومعه المقدمين و المخازنية و تم كسر الاقفال في نفس اليوم لأن المكتري كان قد أفرغ أدواته من المحل و أغلقه ولم يحضر يوم التنفيذ
ما عليك سوى الصبر واسأل الموظف عن تاريخ التنفيذ
بالتوفيق

مشكور سي حسن،الملف ديالنا فيه نوع من التماطل ،لأن هذي تقريبا سنة باش حكمة بالافراغ ومازااال

سي حسن ،تم الافراغ
ولكن لقينا فيها السلعة ، ماعرفتش شنو تقدر تدير المحكمة ، واش غادي نحجزو عليها بلاصت الكرا ؟

من المفروض أن موظف المحكمة الذي نفد الإفراغ يعينك أنت حارسا عليها إلى حين بيعها في المزاد لاستخلاص ما تخلذ بذمة المكتري من دين و إن كانت لا تغطي الدين يمكنك أن تقوم بإجراءات الإكراه البدني ،، ونصيحة أخوية لك سامح فالله غفور رحيم ، أنا شخصيا سامحت المكتري عن 15000 درهم وكان بإمكاني أن أودعه في السجن ولكن سامحته و الله لا يضيع أجر المحسنين
تحياتي

شكرا
قالي نتا الان حارس عليها ،لكن سولتو قوتلو شنو ممكن ندير لسلعة ، قالي خاص يجي المكتري يسني لتزام باش يدي سلعتو ؟
وهو فصراحة ماغديش نسمحلو ، لأنه انسان لا يستحق ، شمكار بزناس كيبيع الحشيش ، وداير الحانوت سبة باش يبرر الاتجار فالمخدرات