دعوة طلاق شقاق من زوجي
رفع زوجي دعوة طلاق شقاق بسبب منعه لي إكمال دراستي وأنا رفضت لأننا لم نتفق على ذلك، أنا الآن في بيت أهلي و مهري و كل ملابسي بحوزته مع العلم أننا حديثي الزواج لم نكمل بعد مراسيم العرس لا أرغب فراقه لكنه مصرّ على التطليق أما بخصوص مقال الدعوة كله كذب ولدي مايثبت ذلك، أريد أن أعرف ماهي أبسط حقوقي (للإشارة ليس هناك حمل)؟ وقد جهزنا غرفة النوم و بعض الأثاث سويا هل لي الحق في ذاك الأثاث؟ أرشدوني جزاكم الله خيرا
0 تعليق
4 تعليقات
اللهم آمين أختي ملاك الله ينورك، ممكن تنصحيني واش لمصلحتي نحضر أول جلسة ولا بلا مانحضر واش عندي الحق نوكل محامي يترافع عليا و ينصفني حينت تاهو موكل محامي، أما بالنسبة للأثاث ليس لدي مايثبت ذلك لدي فقط ما يثبت أن مهري و ملابسي مزال عندو حينت معولتش على طلاق جابني لدارنا حتى كانتفاجئ بالدعوة؟ واش القانون يأخذ بعين الإعتبار إذا لم يتم العرس بعد (يعني مزال ماخذا ليا جهازي) ؟ وسمحي ليا أختي
لا دنيا هانيا اختي راني دزت من نفس تجربة صعبة لي كتعيشي .. وهاد طلاق من اول زواج شوية صعيب ومفاجئ كيقلتي... ربي يفرجها علينا وعليك .. بالنسبة لمحامي تقدري تديريه الى كان فالمستطاع ديالك الا لا ماشي مجبورة حيت حقك راه باين واضح ... وانا كنقول فمصلحتك تحضري لجلسة الى كنتي توصلتي بتبليغ وتسلمتيه والى ماتبلغتيش باستدعاء من محكمة فانت غير مجبورة تمشي ولكن غادي غير تأجل الجلسة ويطوال الحكم حيت الى كنتي بغيتي تسرعي الحكم من الافضل تحضري جميع الجلسات خاصة جلسات صلح ضروري تحضري فيهم واخ توكلي محامي ... جبي لي كيتبت ليك ان مهرك ولباس بقا عندك اما بخصوص الاثاث قوليها لقاضي بفمك والى مانكرش راجلك امام القضاء راه غادي يرجعليك كل حقك .. والى كنتي موجدة لعرس ودافعة لعرابن وكلشي مشاليك حتى هما الى عندك شي روسيات جيبيهم باش تبتي لخسارة ..ولقاضي كنضن انه هياخد بعين الاعتبار اسباب طلاق والى تعتبر طلاق تعسفي يعني بدون سبب مقنع القاضي كياخد هادشي بعين الاعتبار فتعويض ديالك وفلمتعة ديالك لي كيخرجليك تاع طلاق ... تقدري تهضري معايا فلفيسبوك الى بغيتي " Malak Elaamrani " .. ومرحبا اي وقت اختي واي تساؤل عرفت عليه معلومة نجاوبك بلا تردد والله يفتحها لينا وينصرنا اجمعين يارب
شكرا أختي ملاك على المعلومات لي قدمتي، انا غانوكل محامي ونحضر الجلسة وخا متأزمة نفسيا ولكن غانحاول ناخذ حقي و الخير فيما اختاره الله، مرحبا أختي لي الشرف نتواصل معاك ولكن طلعولي بزاف لكونط
موقع محكمتي لا يضمن صحة هذه الإجابة. الموقع فقط يضمن الإجابات من الأعضاء المعتمدين بعلامة