قضية فض بكارة و نشر صور علاقة أكثر من أربع سنوات

السلام عليكم
أنا في علاقة مع فتاة منذ 4 سنوات و طحنا في الغلط في بداية العلاقة و لكن بالتراضي و كنا مفاهمين على الزواج. أصلا كنا مزوجين كان خاص غير يولي دكشي قانوني و رسمي. كلشي كان مزيان حيتاش كنا ديرين مخطط الأخر ديالو زواج. كانو العائلات ديالنا بجوج عارفين العلاقة ديالنا و تلاقنا في شحال من فرصة و لكن مكانوش عارفين كلشي بالتفصيل.
مؤخرا طراو مشاكيل و حصلت عليها خيانة. صافي البنت تقلبات عليا ولات كتقوليا غير سير فحالك مبغيت منك والو غير سير.
أنا وخا هدشي مذخلش ليا لراسي و كنشوف الدرية كدير شي حوايج ماشي ديالها.
أنا كنت مستعد نجمع و نطوي كلشي بحكم الخيانة كانت غير كلام في كلام و مدارتش شي حاجة...
الدرية والو هزيتي وحدة و حطيتي وحدة .
أنا فكرت حتا عييت قلت أنحيد عليا التقليد مشيت دويت مع ختها قلت ليها شنو كاين و بلي أنا راه ماشي هربت و لكن هيا مبغاتش الله يسهل عليكم.
دازت مدة خونا متفاهمتش معاه ولات ختها عيطات ليا و نعلو الشيطان و الغلط كيوقع.
المهيم دكشي طويل بزاف الخلاصة اني سمحت و نسيت و صافي رصينا النهار لي أنجيب فيه دارنا و قبل بأسبوع تسيفو تاني حتا واحد من عائلتها مزال جاوب في الهاتف
انا تعصبت و كنشوف لعب الدراري قدام عينيا و التبيديق بهاد المعنى
في لحضة غضب لحت تصورتي أنا و هي في الفيسبوك ديالها هيا كان عندي كلمة السر وجهي مباينش و هيا باينا و الصورة فاضحة شوية
ملي وعيت براسي كنخرمز مسحتها بزربا و لكن دارو ليها شي ناس سكرين و ضارت حتا وصلات لدارهم
دارهوم مكانوش عارفين شنو بيناتنا غير ختها فقط
حاولت نعيط باش نعتضر تاني حتا واحد مجاوب.
واش عندي مناش نخاف قانونيا ؟