شيك تاريخ بعد الوفاة

السلام عليكم، عندي سؤال بخصوص تلاتة شيكات باسم الوالد ديالي الله يرحموا. اثنين من شيكات بدون تاريخ، و الاخر بتاريخ 2019. المستفيد من الشيكات عمر الشيكات لي بدون تاريخ، بتاريخ آخر لي هو شهرين بعد الوفات ديال الاب ديالي. حاليا تواصل معانا سيد على حساب النقود ديالو، و تفقنا معاه نعطيوه الفلوس بمقابل يعطينا شيكات و يكتب ليا ابراء الدمة و تكون عندنا شي حجة باش نكونو محممين. المستفيد قرر انه يدعينا بحجة انه بغا الفلوس بلا ما يعطينا لا شيكات لا ابراء الذمة. حاليا اكتر من شهرين و حنا كنتسلفو باش نجمعو ليه و نعطيوه فلوسو و عينا من نعيطو باش يجي يديهم و يجيب ابراء ذمة. الحل لي بغا هوا : نعطيوه الفلوس بلا دليل. سؤال ديالي: الا دخلنا معاه المحكمة، واش غادي نخلصو شي حاجة جزاء على الشيكات؟ و واش من حقنا ندعيوه على تاريخ بعد الوفات؟ مع العلم اننا حاولنا نعطيوه فلوسو حيبيا مع دليل مكتوب، الان السيد كيهدد على انه غادي يحجز على المتلكات كاملين مع العلم مجموع مبلغ الشيكات هو 60000 درهم ( ستة مليون سنتيم). و الا كان شي حل اخر مثلا نحطو ليه الفلوس فصندوق فالمحكمة. معلومة اخرى: شيك من شيكات الاسم فيه مختلف. مثلا اسم المستفيد هو عبد الغفور. شيك مكتوب فيه غير غفور و ليس عبد الغفور. و شكرا