السلام عليكم الله يجازيكم بخير انا ف 2013 كنت خديت قرض من موسسة معينة وكنا 4 أشخاص فالمجموعة وبقيت كنخلص الاقساط نصف شهرية تقريبا 4 اقساط والمرة الخامسة مشيت باش نخلص رفضو يتخلصو مني بدعوى على أننا خاصنا نخلصو كامل أفراد المجموعة ولكن المجموعة مابقاوش بغاو يخلصو حيت مشاو للجزائر وواحد مشا للإمارات/ المهم استدعاتني المحكمة بخصوص الأمر ووضحت ليهم المشكل باللي كنقول ليهم شدو من عندي الخلصة ديالي وما كيبغيوش وتاصلو بالمؤسسة المعنية واكدو ليهم صحة الكلام ديالي علما على أنني لم أكن رئيس المجموعة اللي خديت معاهم القرض .. صافي من داك نهار 2013 ماعاود سول فيا شي حد
السؤال الأول: واش يمكن يكون القرض تقادم مع مرور الوقت تلقائيا ؟
السؤال الثاني : واش المسؤولية تقع على عاتق كل أفراد المجموعة أو رئيسها فقط ؟
واش يقدر هاد المشكل يكون ليا عائق فالإستفادة من تمويل برنامج فرصة؟