انا طالب جامعي تخسر ليا الحاسوب ديالي فشهر -12-2016 و مبقاش كيشعل.. شي شهر و هو خاسر مامخدموش .. ماعرفتش فين نصاوبو
مهم واحد دري صاحبي قال ليا كيعرف شي سيد كيصيبهم .. قلتليه واش تقة قالي نعم تقة حيث مبغيتش نديه لشي حد يخسرو ليا و هو فيه كلشي ديالي وتائقي الشخصية و تاع العائلة تصاوري و كلشي بحوثي..
يعني معطيات بزاف شي 60 go و الصرف ..
جيث انا هزيت بيسي ديالي و مشا معايا صاحبي عند داك سيد لي كايعرف يصوبهم.. هو كيصوبهم غا فداروو..
عطيتوا ليه الاربعاء بليل ..قتلو شوف مالو قالي واخا
رجعت جمعة قالي خاصو يتخل تاغدا و رجع..
رجعت السبت بليل معا 9 قالي مزال ماحليتو مكنتش مسالي.. قتلو صافي تاتحلو..
الغد ليه الاحد رجعت بليل صونيت على خوه قليك مشا سيدي معروف فكازا عند خالتو 4 ايام و يجي.. و تيلفون تاعو طفااا
دازت 4 ايام .. رجعت عتدو لدار قاليك مو مريضة فلبلاد شي سيمانة و يجي..
دازت سيمانة ..
بداو عليا خوتو تايجي تايجي منقدوش نعطيوك بيسي و باش عرفناك مولاه..
مهم قتلهم هانية بقاو عليا تال غدا اال غدا و يجيو شي 10 ايام ،
من بعد مشيتو عند خوه شعلت معاه.. و هو يقولي نجيك صراحة خويا شدوه البوليس فدار ليلة السبت / الاحد ..
و داو معاهم 2 بيسيات و 2 تلفونات و واحد من دوك بيسيات ديالك..
صدموني
مهم قالو لي متخافش دبا نرجعو ليك بيسي و يخرج خوهم براءة و طلقوها عليا مزياااان
مهم خوهم تشد بتهمة اشادة بمقتل السفير الروسي عبر الفايسبوك
مهم بداو عليا المحاكمة كانت ف 28 فبراير 2017.. و بقاو المحكمة كيأجلوها من شهر ل شهر. .
و خوه كيجرجر فيا.. كيقولي دبا يرجع ليك بيسي غايطلقو خويا.. مكاين تا حل باش نردو ليك بيسي ديالك دبا .. و صافي كلا مرة كنسول و مزال ..
28 يونيو حكموا عليه ب سنتين بسبب التهمة المنسوبة اليه..
و قالي غايدير استئناف ..
مهم خرج من السجن ف 28 فبراير 2018
و قال ليا خوه كيتسناو شي ورقة تخرج باش يسترجعولي حاسوبي.. دبا 7 اشهر باش خرج و مزال مارجعوه ليا.. الله يخليكم
ما هو الحل القانوني لاسترجاع الحاسوبي جزاكم الله خيرا؟ »