تحاول الشركة التي أعمل بها صرفي عن العمل بحرماني من السكن

انا خدمت مع شركة خاصة لبناء الإقامات السكنية كحارس أمن خاص من سنة 04/2012 بالقنيطرة وكملت معاهم فتامسنا من 01/2015 ليومنا هذا.
عاطييني السكن ف (كونسييرج) من يوم بديت حتا لهاد العام بداو يسكنو الناس فالاقامات وبديت كنسمع انهم غيحدو ليا السكنى حيت الكليان مبغاوش شي حارس أمن تابع للشركة يسكن فيها بغاو هوما يجيبو سانديك ويعطيوها ليه،
الأسبوع للي فات جات عندي خطيبتي كيف موالفا تجي مرة فشهرين لمدة عام جات يوم الخميس للي هو يوم راحة ليا حتا كنتفاجئ بالمسؤول جا من كازا عيطو ليه لاسيكيرتي للي خدامين مع بعض هادي قريبة 3 سنين ،گاليا شكون للي معاك ندخل نشوف وفعلا دخل ولقاها معايا داخل مقر السكنى الخاص بيا وكتب تقرير ومشا ويوم الإثنين طلعت لكازا لسييج ديالهم عطاني ورقة (demision) گاليا گاليزيها وجيبها مشيت لمقاطعة گاليزتها ورجعت وگاليا اراها گلتليه نشوف حسابي ديال العمل معاكم 6 سنوات منضيعش فيها گاليا قررات الشركة توقفك حيت درتي خطأ جسيم غيشوه لينا السمعة ديالنا تما ،شفت الشيك فيه تقريبا 2500 درهم گاليا هادا هو حسابك كلو ..نضت خرجت مشيت بحالي مخديت والو ومعطيتوش (demision)
حتا عيط ليا فتلفون گاليا بدا خدمتك من الثلاثاء عادي
داكشي للي درت مشيت صباح بديت الخدمة حتا كنتفاجئ بالمسؤول تما المكلف بالمشروع گاليا را طلبو مني نحيد ليك السكنى وممنوع تسكن فشانتي خدم بحالك بحال الناس وسير شوف فين تسكن حنا حيدنا ليك السكن
عيطت للمسؤول فكازا گاليا داكشي جاي من الفوق منقدر ندير والو والكليان مبغاوش شي حد يسكن ليهم تما وخود ليك سيمانا كونجي رتاح فيها قاد مسائلك واستئنف خدمتك
فهمت انهم ملي مقدروش يطردوني حيدو ليا السكنى باش انا نديمسيوني حيت مغنقدرش علل الكراء فتامسنا وانا أصلا كاري لوالدة وختي دار فقنيطرة مستحيل نكري 2 مرات فقنيطرة وفتامسنا حيت الصالير ديالي للي كيدوز للبنك هو 2900 درهم