التعويضات العائلية بعد الطلاق

تصويب 2007 وليس 2017

غادي تمشياكاديمي لتابع ليها طليقك و ديك معاك اربع نسخ من كلل حاجة مقرر طلاق مصادق عليه من طرف المحكمة قلها لموضف تسليم نسخ في محكمة و شهادة الحياة للابن و شهادة بنكية الى ما عندكش فتحي حساب في شعبي و قلهم يعطيوك شهادة بنكية اتيستاسيون دو غيب شهادةعدم العمل عقد ازدياد ديال الابن صور للبطاقة وطنية فين ما مشيتي قولي لهم انا ام حاضنة باش يفهمو دغيا حتى من المقدم حيت يسولو كيفاش تعويضات و هي مخدماش فاش كتمشي اكاديمي كتكتي طلب هما غيوريوك كيفاش و ياخدو منك النسخ شي ثلاث اشهر كتجيك تعويضات مجموعة في حياب ديالك اهم حاجة يكون عندك رقم تاجير ديال الزوج الامكانش عندك شوفي في الانترنت يقدر يكون طليقك مشارك في الحركة الا ربح غتلقاي رقم حدا الاسم او اي مبارة مشارك فيها او ممكن تمشي لموارد البشرية في النيابة تعطيهم ايم رقم بطاقة الا بعاو يتساعدو معاك انادوخوني مزيان حتى وقف معاي سيد ناءب و وجهني نمشي اكاديمي الله يلقيها ليه مزيانة فين مامشا اختي دعي معاي راه بعد ما خديت تعويضات دار عليا الحرب و دعاني على نفقة ممكن نعرف اشمن سلم و شحال خرجو ليك و واش عندو ديون او التزامات

طبقا للفصل الخامس من المرسوم الصادر بتاريخ 27-08-1957 والمعدل بمرسوم 2-01-1985 فإن التعويضات العائلية تصرف لمن له حضانة الأولاد بعد الطلاق.
وإليك نص الفصل الخامس المذكور:
الفصل الخامس
يتعين على الموظفين والأعوان في حالة انفصام أواصر الزواج أن يخبروا الإدارة بحالتهم العائلية الجديدة بمجرد وقوع الإجراء أو الحادث القضائي المغير للحق في الحضانة وإلا فتجرى عليهم عقوبات تأديبية.
وتصرف الإعانة العائلية للزوج أو الشخص المعهود إليه بحضانة الأطفال ولو كان يستفيد من نفقة وذلك ابتداء من تاريخ نفاد الحكم القضائي أو الوثيقة التي تثبت تغيير حق الحضانة المذكورة.
وإذا كانت الحضانة موزعة فيقسم مبلغ التعويض بين الزوجين أو الأشخاص المعنيين بالأمر بالنسبة لعدد الأولاد الموجودين تحت حضانة كل واحد منهم، وتطبق هذه المقتضيات في حالة ما إذا منحت المرأة من أجل أولادها ولو كانت في عصمة الزوجية نفقة محددا قدرها بموجب مقرر قضائي.
جواب منقول عن الأستاذ أيمن.

عفاك واش نمشي للنيابة ولا صندوق الضمان الاجتماعي او نعتيهم نسخة الحكم و ان الحضانة ليا .حيت انا تحكملت الطلاق و النفقة ا بغيت نستافد من 200 درهم ديال التعويضات العائلية علما ان طليقي استاذ

اختي عفاك واش اكديمي بمدينة الرباط او اي اكادمية بالمغرب

اختي واش يمكلي ندفع الملف بمديرية الموارد البشرية بمدينة الرباط بالحكم انها قريبا ليا لأن المدينة التي يعمل بها طليقي بعيدة
انتظر الجواب من فضلكم

اكاديمية لتابعة ليها النيابة لي هو خدام فيها قولي لهم انا ام حاضنة فين مكتب مختص باش نستافد من تعويضات و ان شاء الله يوقفو معاك

شوفي الموارد البشرية انا سبق لي مشيت عندهم و هما قالو لي سير لنيابة و فنيلبة بقاو الموضفين يقولو لي لا خاص هو يكون و يعبء الطلب و انا ندخل عن الندسيد الناءب الله يلقيها ليه بالخير في دنياه و الجنة في الاخرة داني الاكاديمية منين عرف انني جاية بعيدة و وراني المصلحة و هما وقفو معايا المهم هو تاخدي معاك نسخ زايدة من كل حاجة الا كنتي بعيدة اربعة من كل وثيقة و الله معاك

شكرا اختي ولكن السؤال ديالي هو يمكلي ندفع الملف بالرباط رغم من ان الطليق يعمل بمدينة اخرى .