بغيت نسول على شيك مدفوع للمحكمة
بغيت نعرف الاجراءات لي غندير بخصوص شيك مدفوع المحكمة ولي دايرة الشكاية طلبت منا نصيفطو ليها المبلغ لي في الشيك وتعطينا التنازل ولاكن السبد لي دايرة بيه الشكاية في حالة بحت من طرف الشرطة دابا الفلوس واجدة واش نمشي لصندوق المحكمة نخلص الشيك واش مستحقات المحامي نخلصها انا ولا لي رافعة الشكاية شنو الاجراءات لي نمشي عليها الله اجازيكم بالخير
السلام عليكم الصراحة مزال مدرت تاشي خطوة ملي عرفت المعلومات كن سيادتكم كنتسنى غير اكمل المبلغ لي في الشيك ونكمل الاجراءات حينت المدينة لي مدفوع فيها الشيك بعيدة ب 12 ساعة بغيت نسول الى ممكن لي نفرض تخلص شيك كملت الاجراءات في المحكمة ديك الغرامة الى كانت كثيرة وحولت الملف الاستناف شحال ديال المدة باش اتستانف وشكرا
انا خفت ملي نمشي نخلص المبلغ في صندوق المحكمة اقوليا المحامي ضروري احضر مول شيك حينت راه روشيرشي خصو اتعتقل ودوز فدام الوكيل وعطيه توصيل باش تخلص الشيك عاد اطلقوه وتم تنازل على الشكاية اما السيدة قاتلينا انا نصيفط ليكم التنازل وصيفطو الفلوس ولاكن خفنى داك البحت ابقى مستامر في المحكمة
فين كاينين انتما وفينا مدينة تدفع الشيك ؟
والشيك شحال فيه ؟
الشيك فيه 10000 درهم واتعاب المحامي 2000 درهم المدينة لي مدفوع فيها الشيك كاينة فالجانوب
لا حول ولا قوة إلا بالله، هاد المبلغ زيدي عليه الذعيرة ديال الخزينة العامة 500 درهم، زيدي المصاريف ديال المركوب والأطيل فالعيون، هانتي ف 15.000 درهم، مالكم علا هاد المشاكل ؟
قاليك ديال الناس ديرو فوق راسك وديالك ديرو تحت باطك،
إلا مديتي يديك لديال الناس، راه يطيح لك ديالك (هي هادي) !!!
تاواحد مكيبغي المشاكل ولاكن لي جات من ربي مرحبا بيها كنتمنى اتحل هاد المشكل في اقرب وقت ومتبخلوش علينا بمعلوماتكم
والله إلا بقيتو فيا، لكن كما كيقولو العين بصيرة واليد قصيرة، راه حتى واحد ما خطاتو مشاكل.
شكرا بزاف الله اجازيك بالخير ربي كبير ميسد باب تايتحلو بيبان
السلام عليكم،
فين وصلتو فالمشكل ديال الشيك ؟