اريد حل لمشكلتي

انا تزوجت عام لي فات مدة ديال شهر مقدرتش نكمل حيت ولد باقي صغير وماشي قد مسوولية وكتشفت بلي راه حمق وماماه مفشااه وزايدة ليه فيه مهم خرجت من دارهم مشيت عند ختي مدينة بعيدة مهم دابا عام وانا خرجة دفعت طلاق شقاق جيت جوج مرات ولا كيهدني باش مانجيشيش نحضر مجيتش سيفط ليا مساج قال ليا دعوة تلغات انا مكنقدرش نجي لمدينتي على ودو حتى منين مات بابا جيت مخبية ومشيت مخبية مهم انا عندي تسجيلات ديال ام ديالو كتهددني منجيش مدينتي والا جيت يقطع ليا رجلي ولا يدي وبزاف ديال تهديدات وعندي تصاورو وفيديوات مع بنات بزاف فوسط دار ومو عارفة كل شي وهيا كتشوف كلشي وعجبها الحال مهم انا مابغيت والو عطيتو تنازل عن مستحقات طلاق ومابغيش يطلاقني بغيت نطلاق وبلا منحضر معه ف الجلسة واش ممكن وشنو ندير حيت معارفة والو الله يرحم الواليدين وماعندي حد واليديا بجوج الله يرحمهم وانا لي عندهم