مشكل في طلب شهادة السكنى

السلام عليكم، عندي تساؤل نتمنى أصحاب القانون ديال العقود يفيدوني، أنا كاري شقة بالدار البيضاء، وعقد الكراء لي عندي مع مالك الشقة تكتب فسنة2016 والعقد يسري لمدة عام ولكن فيه هاد العبارة : "contrat de location du 15/03/2016 au 14/03/2017 renouvelable par tacite reconduction " واش مفروض عليا نجدد عقد الكراء؟ سؤال استعجلي بارك الله فيكم، لأنني باغي نجدد البطاقة الوطنية و دائرة الأمن لي تابع ليها السكن ديالي رفضو يعطيوني شهادة السكنى بحجة ان العقد قديم، شنو المعمول فهاد الحالة؟ معلومة : صاحبة الملك مقيمة بفرنسا، وواجبات الكراء كنأديها بتحويل بنكي، شكرا