نزاع بنكي في لائحة سوداء لبنك المغرب

السلام عليكم
الله يخليكم عندي وحد المشكل مع البنكة اخديت عندهوم كريدي 7 ديال المليون و دازت مدة تقريبا ديال 7 شهور و كانت بغيت نصولدي و مابغاوش
مشيت لبنكة اخرى و قالو ليا نصلديو لك و لكن حول عندنا الحساب أولا و لكن فاش حولت عندهوم الحساب بقاو موعدني شي 3 شهور باش يخلصو ليا تريتات من عندهم عاد يشرو ليا داك لكريدي و بالتالي تخلفو على الوعد ديالهم حتى بقات الترتات تيتجمعو و من بعد وليت فلائحة سوداء لبنك المغرب يعني حتى حد مغادي يولي يعطيني كريدي
رجعت البنكة لي خديت عندها كريدي و قالو خاصك تخلص 9 ديال مليون باش نحيدوك من لائحة سوداء لبنك المغرب و غادي انتبعوك قضائيا
دبا هدي 9 سنوات باش واقع هدشي مزال مادرو معايا ولو و حتى بنكة مابغات تشري ليا داك كريدي و نخلصو ليهم و انا نتحرر من هاد بلوكاج ديال كريدي
الله يجازيكم بخير واش ما كيناش شي إمكانية باش يحيدوني من هاد لائحة سوداء لبنك المغرب باش نعاود نستافد مرة اخرى من القرض و نعطيهم داكشي لي تيسالوني ؟
في انتظار اجابتكم تقبلو مني فائق التقدير و الإحترام
شكرا