الغاء الدراسة للولوج المباشر لسنة تانية ماستر

‎سلام عليكم، كنتمنا تكون بخير. حنا مجموعة طلبة بكلية في سطات. تعرضنا لعملية نصب من طرف واحد المعهد ليعندوا شراكة مع الكلية. تسجلنا كاملين و خلصنا الشطر الأول القيمة ديالوا 12000 درهم . و قالوا لينا انه الدراسة غادا تبدأ 26 أكتوبر. وصل التاريخ المحدد و مع ذلك مبداتش القراية و كل مرة كيقولوا لينا الأسبوع القادم الشهر القادم ... فهاد الشهر كنتصدموا ان هاد الماستر اكسي ديغيكط للسنة مبقاش بحجة أن العميد حيدوا من الكلية و حنا ديجا مسجلين فيه في الصيف و مخلصينوا. المشكل الكبير هو انه هاد الماستر كل واحد و شنوا فاش ديروا كين ليدافعوا باش يدير بيه ترقية كاين ليدافع لشي خدمة بالخارج على أساس يكمل الماستر و يمشي و العديد من الأشياء في هذا الصدد. ليوما كنتفاجأوا أنه الماستر سنة تانية مبقاش نهائيا و فلوسنا قالوا لينا معهد اللي معاه الشراكة دفعوا طلب باش رجعو فلوس و عطاونا خيار فمدرسة اخرى الللي ماشي هي اللي تاونكاجينا معاها نهار اللول (هدشي بالوتائق) وحما كاملين ختارينا هاديك الكلية على بزاف الحويج ( بغوفيصيونيل و كاليطي د فوغماصيو) وواخا يرجعوا لينا مغاديش نتنازلوا على هادشي حيتاش هذا إلحاق ضرر بالغير. و حاليا مبقا حتا ماستر خصوصي فاتح باب التسجيل يعني مئات الطلبة ضاع ليهم العام هاكاك . شنو ممكن نديرو و شنو المسطرة القانونية