السلام عندي استشارة بخصوص حادثة سير أنا كانت عندي علامة قف وقفت وانتظرت وملي بغيت نقطع مشفتش واحد المطور كان غادي بسرعة خيالية فوق المئة كلم وسط المدينة أنا هربت عليه وهو بغا يهرب طاح بوحدو ماحصلش اصطدام أنا وقفت والناس كانو كيعيطو البوليس هو بغا يمشي وهرب الموطور داوه صحابو أنا بقيت معاه وواقفة وكان مقسح فرجلو درت غلط حنيت فيه ديتو بطوموبيلتي للسبيطار حيت هو مابغاش يتسنى مهم ديتو وخلصت ليه جميع الفحوصات كانو عندو جروح سطحية وشريت ليه الدواء وكذلك طلب مني باش يصلح الموطور عطيتو 500 درهم. جاو عائلتو بقاو يهددو فيا ويبتزو فيا على أساس أني خصني نصرف عليهم ونشري ليهم العيد ونتكلف بكلشي ريتما يبرا بحجة معندهمش وأنا داكشي ليدرتو درتو من الجانب الإنساني إوا دابا دازت أسبوع ورجع كيطلب لي تاني الفلوس بحجة أنه باغي يعاود الفحوصات وخصو أدوية وكذا قلت ليه راه داكشي ليعطيتك وليدرت معاك كان فقط حيت بقيتي فيا وقلتي لي نتا ليخدام على عائلتك أما راه كان ممكن نتسنا البوليس نتا ليمبغيتيش دابا رجع كيهددني قالي بزز منك تهزبني نتي لي فوتيف ونتي كدا وأنا ليتضربت وأنا مع العلم أنا ماركيت السطوب وتسنيت حتى خوات الطريق وبحكم أنا كنسوق بشوية مجيت فين نقطع حتى خرج ليا كان غادي بسرعة خيالية في منطقة سكنية. ماهو الحل عافاكم وبالنسبة للشرطة أنا الغد ليه ديال الحادثة مشيت علمتهم بما حصل وقلت ليهم أني تعرضت للإبتزاز ودرت إشعار ودابا عاود طلب ليا الفلوس وهاد المرة ملي رفضت بدا كيهددني خصوصا ملي قلت ليه هادي سميتها إبتزاز عافاكم بغيت نعرف أشنو ندير وما هي المتابعات ليممكن توقع. بالنسبة للدلائل عندي محادثات مسجلة بلي درت معاه الواجب وعطيتو لي قسم الله وديتو ووقفت معاه ومهربتش