طلب بالرجوع للبيت الزوجية وتقديم للطلاق الشقاق
طلاق الشقاق أو الخلع مع طلب الرجوع لبيت الزوجية
(1 Réponse - il y a 7 ans)
السالم عليكم زوجي قدم بطلب للرجوع للبيت الزوجية وعندي تاريخ الجلسة يوم الاربعاء مع العلم لا اريد الرجوع لأن الحياة بيننا تستحيل وعندي رضيعة واريد ان اتقدم للطلاق باسباب العنف والضرب والشتم ومنعي من زيارة اهلي وتهديدي بالسلاح الابيض .ارجوكم اريد جواب عن بعض أسئلة رجاء .هل هذه المدة التي كنت جالسة ببيت اهلي وهو لا ينفق علي هل المحكمة ستحكم له بأداء واجب النفقة في هذه المدة ام لا؟ وبما ان انا المتقدمة بدعوة الطلاق يعني ليس لي الحق لا في المتعة ولا النفقة ولا اي شيء كيف لي ان اخد شيء من حقوقي وعدم السماح فيها باكملها؟ وانا ليس لي مدخول شهري وكيف لي ان ادافع عن نفسي وحقوقي وحقوق ابنتي في دعوة الرجوع للبيت الزوجية وشكرا جزيلا ورمضان كرم واتمنى منكم الرد من فضلكم
0 Commentaire
اذا انت طالبت بها
وبما ان انا المتقدمة بدعوة الطلاق يعني ليس لي الحق لا في المتعة ولا النفقة ولا اي شيء كيف لي ان اخد شيء من حقوقي وعدم السماح فيها باكملها؟
لا حق لك الا في المتعة "اجتهاد محكمة النقض الذي سايره القضاء الشرعي" في حين انها حق من حقوقها
اما باقي الحقوق فستحصلين عليها من سكن العدة و نفقة العدة و كالئ الصداق ان وجد و نفقة البنت و سكن البنت و اجرة الحضانة و اذا كانت رضيعة تطالبين باجرة الرضاع و توسعة الاعياد
وانا ليس لي مدخول شهري وكيف لي ان ادافع عن نفسي وحقوقي وحقوق ابنتي في دعوة الرجوع للبيت الزوجية ؟
اذا رفضت الرجوع ستسقط نفقتك من تاريخ الامتناع اما نفقة ابنتك لا دخل لها برجوعك او عدم رجوعك
وشكرا جزيلا ورمضان كرم واتمنى منكم الرد من فضلكم
عفوا الله أكرم
15 Commentaires
شكرا جزيلا ولكم كيفاش غادي ندير باش ندير دعوة العدة والسكن واجرة الرضيع ونفقة العدة انا دارت محامي ولكن مشرحش ليا هك كال ليا ان عندي غير موخر الصدق صافي ومصروف الرضيعة ممكن تفسر ليا الله يرحم لك الوالدين راني مفهمش فهدا المساءل
المستحقات لي ذكرت ليك المحامي خصو يطالب بيهوم في المقال (نفس المقال ديال الطلاق ) :
سكن العدة
نفقة العدة
كالئ الصداق ان وجد
نفقة البنت
سكن البنت
اجرة الحضانة
اذا كانت رضيعة تطالبين باجرة الرضاع
توسعة الاعياد
الكل مع الاقتطاع من المنبع و تعطيه الرقم المالي ذيال الزوج ديالك الى كان خدام مع الدولة
"قولي للمحام يحط هادشي كامل في المقال...يقدر المحكمة تعطي غير سكن العدة بلا نفقة العدة " واخا هكداك يحطها ما خسر والو .
الله يرحم لك الوالدين فهدا النهار وفهدا العواشر اجرك عند الله اخويا جزاك الله بالف خير
ولكن هو ماخدامش مع الدولة عند عمل حر وهدا المدة لي انا جالسة في دارنا دبا هده مدة 15يوم وانا فدارنا وهو ماعمر سول على بنت وياله عدها 40يوم باش غنطلب وهو ماكيصرفش عليا داب اشنو ندير وانا عندي جلسة الرجوع للبيت الزوجي نهار الاربعاء عفاك كول ليا كفاش غادي نتصرف وندافع على نفسي فهدا الجلسة
واخا اختي الكريمة غير تهدني
طالما عمل حر ف مسالة الاقتطاع ممتوفراش
بخصوص جلسة الرجوع الى ما رفعهاش بواسطة محام مغديش تقبلو الدعوى
الى رفعها بواسطة محام خلي المحام ديالك يجاوب في مذكرة جوابية و يكتب فيها انك رافعة دعوى التطليق للشقاق و يكتب رقم الملف ديال الدعوى ..المحكمة غدي ترفضلو طلبو حيت كاينة دعوى الطلاق
بالنسبة انك أم لرضيعة قولي المحام يزيد مصاريف النفاس ديالك بحكم انك يالاه والدة و تحتاجين مصاريف طبية و الى عندك شي وراق ديال الدوا و داكشي خليه يرفقهوم بالمقال
الى عندك شي استفسار اخر مرحبا
والله معرفت كفاش غادي نشكرك وحق الله بغيت نسولك ولكن مديرهاش مني قلة الصواب والتربية الله يجزيك بالخير الى كان ممكن تعطيني رقم الهاتف الى بغيتي وسمح ليا بزاف الله يرحم لك الوالدين
واخة الله يجازيك بخير داب انا راه المحامي مغاديش يحضر معي في دعوة الرجوع للبيت الزوجية ومعرفتش اشنو غادي ندير عمري وثلت للمحكمة ومعرفت حتى مانكول والله راه الله لي عالم بيا فالحاة لي انا فيها
تقدري تحضري بلا محام و تقولي للقاضي انك رافعة عى زوجك دعوى الطلاق بالحق تعطيه ما يفيد انك رافعة الدعوى
خصك تبتي انك رافعة دعوى عليه
اما نسخة من المقال مؤشر عليه من المحكمة
او نسخة من استدعاء الموجه الى زوجك بمناسبة دعوى الطلاق
انا داب راه يله دفعت المحامي اابارح يدير ليا مقال ولكن انا الى حضرت للجلسة كيفاش ندافع على نفسي بالمستحقات لي دكرتي ليا راني برزتك سمح ليا راه مكينش لي يشرح ليا الله ييهل عليك
لا عادي ..سولي كيفما بغيت
غدي تحضري للجلسة ديال الرجوع غدي طلبي من القاضي مهلة باش تجيبي ما يثبت انك رافعة دعوى الطلاق
المستحقات غدي يطالب بيها المحام ف دعوى ديالك معندها علاقة بدعوى الرجوع لي رافعها راجلك
حيت كون مكنتيش رافعة دعوى الطلاق كان خصك طالبي بنفقتك و نفقة ابنتك + سكن مستقل الى مكنتيش ساكنة بوحدك ( في ما يسمى بطلب مضاد يكتبوليك كاتب عمومي) لكن مادام انت رافعة دعوى الطلاق..غدي تجاوبي في دعوى الرجوع انك رافضة لانك رافعة دعوى الطلاق و فقط.
Le site Mahkamaty ne garantit pas la véracité de cette réponse. Le site ne garantit que les réponses des membres certifiés