سلام وعليكم انا هذي عام وقفني وحد الدركي قيدلي مخالفة على stop ديال طوموبيل الجهة ديال شيفور ماتايشعلش قالي غدي نقيدليك مخالفة طلبتو ورغبتوا باش مايقيدليش حيت وحد السطوب شعل واحكيتلو بان الوضعية المادية ديالي ضعيفة ولكن لاحيات لمن تنادي قيدلي مخالفة مشيت فحالتي وحد 20 دقيقة جا مراي وحد السيد كان حتى هو مواقفو داك الدركي قلي راه قلك داك الدركي اجي مراه المركز ديال الدرك باش يساوي معاك الوضعية ديالك بعد ماقنعوا هذا السيد بالوضعية الديالي فعلا مشيت لعندو بعد اخد ورد معاه وبحظور لجودان + اجودان شاف الاخير قدملي 100 درهم كمساعدة باش نخلص بروصي ديال 150 درهم فعلا مشيت خلصت عطاني كارت غريز ديالي .
هدا الشي وقع في 2017 , ولكن في 2/06/2018 جاتني ورقة من المحكمة الابتدائية كالاستدعاء بتهمت الرشوة تفاجئت مشيت باش نعرف اصل الموضوع لقيت بأن نفس الدركي ديرلي بأني عطيتو رشوة ديال 10 دراهيم وانه دارلي محضر وانا اعترفتلو في المحضر ووقت على الاقوال ديالي .وهدا الشئ عمروا مكان دبا أنا بغيت نعرف فبحال هده القضايا شنو كايكون الحكم فيها ؟ واش ضروري ندير محامي ؟ وهلا بغيت نتابع هذا الدركي قظائيا شنوا خاصني ندير؟ لانه بكل بصاطة تعدا علية.