الهجوم على المنزل و الضرب و الجرح
السلام عليكم
تهجم علينا واحد الشخص مع 6 صباحا حيت كان فايت دابز مع الاخ ديالي الكبير
المهم كان الباب مسدود وحنا مكانش عندنا سوارت حيت الواليد طرق الباب باش منخرجوش من شاف داك خونا سكران و عندو سيف كبير . وداك خونا من شاف الباب مسدود بقا يشير بالقراعي د شراب وكيضرب ف الباب بسيف و مع كان شبيك تاع الباب مفتوح طار فينا داك زاج تاع القراعي خويا تضرب فراسو وعندو شهادة طبية فيها 23 يوم و انا تجرحت فيدي وكرشي وعندي شهادة طبية فيها 21 يوم .
وقدمنا شكاية عندك رجال الدرك وعطيناهم الشواهد الطبية ولحد الان مكاين حتى جديد مزال مرضو علينا بحتى حاجة مع العلم دابا دازت 14 يوم بدون اي جديد يدكر و البارح تاصلت بالدركي لي شاد الملف قال ليا انا خرجت عندو لدار وملقيتوش قال ليا الى بان ليك فشي بلاصة تاصل بيا بلى ميشوفك نجي نشدو .
وطلبت منه يعطيني الوثائق ديالي باش نقدم شكاية لوكيل الملك ولكنه رفض
دابا الاخوان الله يرحم الواليدين شنو نقدر ندير باش ناخد حقي .
حيت الى بقات هكا ممكن يجي يتهجم علينا مرة اخرى
0 Commentaire
Voudriez vous lire la réponse de nos experts? Demandez votre réponse urgente maintenant!
Je veux une réponse urgente