مشاكل الكراء المتعلقة بالضرر الذي يلحق العقار خلال مدة الكراء و تحديد مسؤولية المكتري في التعويض عن الضرر

كريت شقة لشخصين ممزوجينش مدة 14 شهر عمرني مشيت نشوفها و الجار اللي تحت من هاد الشقة تاصل بيا و خبرني ان سقف الكوزينة ،البيت و الحمام خسر ليه بالرطوبة رجع الجبس كحل و ملي مشيت للشقة ديالي اكتاشفت ان السيما اللي فجناب ݣصعة الحمام تقلعات و لكرايا مصاوبوهاش و لقيت حيوط الشقة كلهم خاسرين بالرطوبة تقريبا مترو فكل حيط و ملي سولتهم إمتى بدات الرطوبة قالو لي شي 6 شهور دبا ،انا عندي فيديوهات و صور الشقة قبل ما نكريها بشهر واحد و الشقة كانت فحالة جيدة و عندي حتى الشهود ، انا قلت ليهم خصكوم تخلصو الإصلاح و لكن رفضو و كذلك اكتاشفت فزيارتي الإقامة ان الشقة كيستعملوها اكثر من شخصين زعما تيكريوها لاشخاص ممزوجينش بالليلة و الشيء اللي زاد اكد لي الخبر هو انني ملي دخلت للشقة لقيت 2 بوطات كبار و 2 متوسطين كيستعملهوم كاملين و الشقة توسخات بزاف مقارنة بالمدة اللي سكنو فيها ، بضغط من المسؤول الامني ديالهم وافقو يخرجو و لكن رفضو يدفعو تمن الإصلاح مع العلم حيوط الدار تخربات بالرطوبة و الاصلاح كيتطلب تمن مرتفع