قضية طلاق في أكادير

متزوجة منذ 11 سنة لي طفلتين 10 سنوات و 7 سنوات
الزوج يعمل بشركة خاصة براتب 4000 درهم + البريم بحيث يصل الى 5500 درهم لكن فالوراق مديكلاريين ليه ب3200 درهم
السكن الحالي عبارة عن كراء شهري
4 سنوات الأخيرة العلاقة شبه ميتة عايشين فبيت واحد كالجيران المشتركين فالكراء
قاطع معايا الهضرة و كولشي
كيصرف على البيت عادي و كيخلص واجبات السكن و لوازم البنات فدراستهم لكن انا بحال الا غير موجودة
بغيت ندفع الطلاق ولكن قالو لي طلاق الشقاق كتمشي فيه حق المتعة و هو رافض الطلاق الاتفاقي و انا ما عندي لا خدمة ولا ديبلوم و اهلي رافضين رجوعي مطلقة
بغيت نعرف واش الزوج ممكن يبقى مكلف لينا بالكراء ديال المنزل طيلة فترة الحضانة د البنات ولا لا بحكم يبقاو قراب لمدرستهم الحالية ؟
واش ضروري من محامي فهاد الحالة ولا لا ؟
واش حق المتعة فطلاق الشقاق فعلا كيسقط الا دفعتو انا ؟