جوازين سفر مفقودين

سلام عليكم
بغيت نسول فواحد الامر مهم واللي عندو شي معلومات قانونية يفيدني بها وجزاكم الله خيرا
الموضوع هو واحد السيدة عاملة باسبانيا بكنترا لفريزة منين كانت داخلة هاد العام للمغرب دبا 16 يوم طاح ليها لباسبور بعد ماطبعت فالخوزيرات وطلعت للباطو وتواصلت مع المسؤولين ديال الباطو وديال لفريز وقالو ليها دبا يبان ومنين نزلت فلقصر الصغير قالتها لبوليس اللي كيطبعو ودارولها ديكلاراسيو ومنين جات لمدينتها بقات كتواصل مع المسؤولين وكذلك سولت فالكوميسارية فلانابيك مبانش الجواز ومشات دفعت جواز اخر وهنا كان المشكل كيعيطو ليها من العمالة وقالو ليها كان فايت مشالك باسبور قالت ليهوم اه وكان هذاك باسبور مشالها قبل ماتطلع لاسبانيا ودبا قاليها جوج باسبورات اللي مشاولك غادي تكاليزي لينا هاذ الورقة واللي مكتوب فيها التزام انها ايلا همل ليها شي باسبور معمر تشوف باسبور وكذلك غادي يعطيوها باسبور فيه غير عامين كيهضر معاها السيد اللي فالعمالة وكانها ارتكبت جرم مع ان الباسبور التاني لقاوه المسؤولين وقالولها غنصيفطوه لك هاذ السيد بالعمالة تعامل بطريقة غير لائقة ومعارفش عاملة لفريز راه كدووز من واحد السربيس يرثى له لذلك تعاملو معاها لبوليس ديال الطبيع واللي دارولها الديكلاراسيو مزيان حيث عارفين اولا النساء طالبين معاشهوم وزيد كيعانيو فالمشي وفالمجي للمغرب لان كيكونو بزاف والسربيس صعيب يعني مشقة ودبا كتسول شنو دير هي مبغاتش تسنيي ديك الورقة حيت لنفرض شي نهار عاود تلف ليها باسبور مغتقدرش تديه مع العلم هاذ السيدة راه كتعاني من السهو بزاف ودبا مفهمتش اش دير مع العلم معمرها تسجلت عليها شي مخالفة يعني سيدة كتمشي تخدم وترجع اللي يقدر يفيدها فالموظوع يتفضل وشكرا 02~07~2021