شهود في شهادة ملكية المنزل

السلام عليكم، اريد سؤال بسيط ان تجيبوني عليه جزاكم الله خيرا، عندي منزل وهبه لي أبي الله يرحمه كان غير محفظ منذ 2007 وقمت بعد ذالك بتحفيظه سنة 2020, وفاش بغيت نحفظو سنة 2017 طلبولي فالمحافظة شهادة ملكية نديرها عند العدول ، مشيت عند العدول طلبلي 12 لشاهد لي كيعرفوك انك ساكن فالدار وكتملكها لازيد من 10 سنوات، مشيت جبت 12 لشاهد اناس متاقيين الله وبعاد على المشاكل شهدو شهادة حق، والحمد الله داز كلشي مزيان، ودفعت جميع الوتائق للمحافظة وخرجلي التيتر ديالي سنة 2020, حتى لدابا مزيان، لكن وقع مشكل هو أنه واحد خويا من بابا الله يرحمه عمرنا شفناه، حتى خرجلينا هاذ الايام من مدينة اخرى وقالك بغا حقو فالدار وانا كاتبهالي الاب ديالي منذ سنة 2007 ومشا دار شكاية فالمحكمة اليوم، سؤالي الان هو واش ممكن طلب المحكمة دك الشهود لي شهدو عند العدل معايا فشهادة الملكية او لا المحكمة غتدي فقط على الملكية ، لانهم ناس بعاااااااد على المشاكل وحشمان منهم لواحد الدرجة متصورش ، والله هذا هو همي الوحيد، انا عارف بلي دك خويا مغيسال والو فالدار لحقاش سولت، لكن انا همي الوحيد هو دك الناس مبغيتش نجرجرهم معايا فالمحاكم، افيدوني جزاكم الله خيرا