استفسار بخصوص طلاق من سعودي

السلام عليكم ورحمة الله
انا امرأة مغربية عمري 29 سنة متزوجة من سعودي من 2012 زواج رسمي بتصريح من بلاده وعقدنا مغربي وعندي معاه ولد عمره 9 سنوات وبنت 6 سنوات يوم جيت لسعودية كنت عايشة معاه مزيان دايراه فوق راس وكان معايا رجل طيب وهو عندو مرض الصرع ومرض فكرشو لحد الان الاطباء كيقولو له ماعرفينش اش عندو وكياخذ ادوية بدون نتيجه وهو مرضه هو السحر وانا مكنتش عارفه هدشي اصلا مكنتش كنأمن بهدشي ولكن اهلو منين كانو كيشوفو تعاملي معاه كيبقاو يقولو له علاش كتدير ليها لي بغات وعلاش كتساعدها فالمطبخ يكما تكون سحرتلك الخ..
سنة اولى عشت بخير من بعدها ولدت ولدي بدات ادية منهم بالسحر فسنة 2015 تأديت بالسحر الاسود من خالتو وهما عترفو بهدشي حيت هما مكيبغيوش ولادهم يتزوجو غير بناتهم يعني ياخدو من العائلة وهو جابها ليهم مغربية خلاهم غادي يموتو المهم من هذيك السنه وانا كنعاني داني لشحال من راقي هنا فالسعودية بدون نتيجة ومشيت لمغرب تعالجت حمدلله بعد مشاور طويل وكل ماكنرجع لسعودية كترجع الادية وهذا سنة نزلت للمغرب ورجعت حسيت بالاذية رجعت وفعلا هو أكد ليا وقال أن هو تأذى منين كنت فالمغرب وكان غادي يموت وخوتو داوه يعالجوه ثاني وهواصلا صحتو متدهوره بزاففف هو قال ليا بغاو يفرقونا باش يرتاحو انا وليت خايفة على ولادي وقال ليا انو حياتنا غادي تبقا هكا مع هذا ناس والام ديالو توفت بالسحر غير 7 شهور لي فاتت واخوه توفى فالسنة لي تزوجنا فيها انا وليت كنفكر فالطلاق ونمشي نعيش فبلادي احسن ليا ولكن منين قلتها ليه قال ليا الاولاد يبقاو هنا على قبل قرايتهم ومستقبلهم اولا مع من غادي يبقاو هو مريض ثانيا لا قدر الله توفى خايفة يحيدو ليا ولادي مرضت بالتفكير وقلت الا نزلت انا وولادي للمغرب العام جاي منرجعش ليه ونرفع دعوه الطلاق
بغيت نعرف واش الحضانة تكون ليا ولا له عفك بغيت رد سريع الله يجزيك بالخير مع العلم هو راسو قال ليا هذا لعام نعطي الجنسية المغربية للاولاد وبديت فالاجراءات فالمغرب ومكملتش ممشيتش لرباط على قبل ورقة من مقاطعة حسان