تعويض عن هدم بقة ارضية مشتراة بإلتزام تنازل

السلام عليكم.
الواليد كان شرا بقعة ارضية ف 1998 بإلتزام (تنازل) مصادق عليه فالمقاطعة وبنا فيها بقات يالاه كان غايلوح الضالا حتا كيقولو أنها جا فيها البلان ديال طريق وريبو ليه ف 2005 هادشي فسيدي الطيبي.
بحكم أنه كان خدام فالعسكر ملحقش باش ياخد ورقة الترياب من عند القايد ومشا مرات عديدة ولكن القايد مدار معاه والو فداك الوقت حتى استسلم نظرا لأن الواليد مقاريش فمن السهل كان عليهم انه يصدرووه.
دابا اللي بيت نعرف هو شنو نقدر أنا ندير بهاداك الالتزام اللي مسجل ومصادق عليه فالمقاطعة بغيت نعرف شمن طريق نقصد باش نرجع حق الواليد فديك البقعة ديال 90 متر ميمكنش رزقنا يضيع هاكاك ايلا كين شي حد يقدر يوجهني شنو نقدر ندير باش نقدر نرجع داك الحق فديك البقعة ويستافد الواليد من تعويض.
الامر مهم للغاية لذى الله يرحم الواليدين متبخلوش عليا ولو بذرة معلومة تقدر توجهني او تفيدني