السلام عليكم شريت واحد تلفون لي من نوع ايفون 13 برو ماكس بتمن 11 ألف درهم من واحد مول تلفونات كاين فرباط عندو محال مع لعلم مخديت من عندو حتى حاجة تتبين بلي انني خديت تلفون من عندو ، و هادي يوماين تنتفاجئ تيتاصلو بيا شرطة ديال طنجة مع لعلم انني ساكن فمدينة سلا خداو الاقوال ديالي حيدو ليا التلفون وليت متهم بشراء المسروق وخداو معلومات من عند الشخص لي شريت من عندو الهاتف انا خفت غير فاش يصونيو ليه ينكرني ، خايف لا نمشي لحبس بتهمتة شراء لمسروق و انا حاط دم جوفي 11 ألف درهم ماشي ساهلة وغادي تزاد عليا بعوقبة حبسية بتخايل عاد مدوز لبارح مباراة ديال الشرطة دوزت كلشي مزيان وهاد الشكاية عارفها غادي تخلي لحلم ديالي في مهب ريح حتى هو هادشي فضلا لا مداونيش لحبس بسبب شي حاجة مدرتهاش انا ولكن عارف لقانون لا يحمي لمغفلين، معرفتش شنو الاجراء لي نقدر ندير ومعرفتش واش حتى انا ينصفني القانون ويرجع ليا وخا غير شوية من حقي، و اهم حاجة واش هادشي يقدر يأدي بيا للسجن