عدم التصريح بالطلاق لمتقاعد في صندوق الضمان الاجتماعي

السلام عليكم .واحد السيد من المعارف راجل كبير تكون عندو شي 75 سنة متقاعد وعندو بنت وحدة كبيرة معاقة عندها 38 عام مع واحد السيدة. ناض شي صداع بينو وبين هاد المراة لي كانت هي السبب فيه و هي تطلب طلاق الشقاق ف2015.مني طلقو دخلو بيناتهم شي ناس بخيط البيض ورجعها فالعدة يعني رجعو زوجين بدون عقد لكن الغلط لي دار بحسن نية هو انه كان كيتحساب ليه مني رجعها بالحلال صافي راه بلا ميديكلاري فلاكيس بلي راه حصل طلاق وبقات كل راس العام كتمشي تحضر معاه فالبنكة مني كيبواتتي باش كيدوز ليه التقاعد.مؤخرا المرا سمعات بلي واخا رجعها فالعدة بلا عقد راه كتبقى محسوبة فالقانون قدام لاكيس سوسيال بلي مطلقة وقالت ليه مغنمشيش فراس العام معاك للبنك باش تدوز لك الخلصة حيت يمكن هادشي ماشي قانوني .دابا هو السيد حار وكيسول معرفش شنو يدير .كل واحد شنو كيقوليه كاين لي كيقوليه ايلا عرفو راه غيحيدو ليه لاكيس ومغيبقاش يستافد من تعويضات المرض مع العلم انه عندو امراض مزمنة كيتعوض عليها وكين لكيقوليه راه غيحكمو عليه بغرامات وكين لكيقوليه ايلا عرفو غيحبسو ليه التقاعد مع العلم ان الزوجة ديالو غتكون فظرف 8 سنوات من ورا الطلاق غتكون ستافدات من تعويضات المرض شي 4 المرات تقريبا من صندوق الضمان الاجتماعي حيت مديكلاراش بانها مطلقة..وشكرا جزيلا مقدما