قضية النفقة ضد الوالد

كنطلب منكم تشوفو ليا الوضعية ديالي اللي كاتخص قضية النفقة ضد الوالد اللي مشى من دار الزوجية 2013 وانقطع التواصل نهائيا وما بقيناش عارفين فين كاين وهاد الشي خلا الأم ديالي ما قادرة دير أي إجراء ولا تعرف عنوانو باش تتابعو فداك الوقت في 2024 رفعت دعوى النفقة عند المحامية ديالي ولكن المحكمة ما قبلاتش القضية حيت قالو دازت مدة طويلة 13 سنة بلاما ديري أي إجراء من قبل واعتبرو هاد الشي اهمال فالمتابعة وبسبب الظروف المادية اللي كانت صعبة وبسبب اختلاف الآراء ديال المحامين اللي سولتهم كنطلب منكم توضحو ليا بعض النقاط واش الحكم اللي خرج دابا نقدر ننفذو عند المحامية الحالية قبل ما نمشي للنقض؟ ولا خصني ندير سحب النيابة من المحامية وناخد الملف كامل ونعطيه لمحامي النقض باش ديرو الطعن بالنقض وتعاد دراسة الملف من الاول؟ مع العلم تيقولو ليا عندك التعجيل بالتنفيذ مافهمتش؟ وبغيت نعرف شنو هي المسطرة اللي صالحة قانونيا فهاد الحالة بلا ما يضيع ليا الحق ديالي فالمتابعة ولا الطعن الله يرحم الوالدين راني مشيت عند محامين النقض كاملين كيقولو ليا مغنشدوش قضيتك حيث انتي غضيعي وحنا غنضيعو خاصك بزاف المصاريف وشكرا لكم على تعاونكم واحترامكم