ما هي اجراءات استاناف نفقة الابناء

ملي غدي يسيفتوه المحكمة الاستناف غايعتيوك رقم الارسال و غادي تبعي الملف ديالك في الاستناف

ابالنسبة التبليغ انا استئنفت الحكم قبل من بلغ الطليق لكن عنداك يفوت الاجل 15 يوم بعد ما خديتي نسخة التبليغية الحكم يعني خسكي تستانفي قبل 15 يوم من بعد ما خديتي النسخة التبليغية

اختي شكرا الله ينورك بغيت نسولك طليقي في التعليم و معرفاش عنوانه و دابا العطلة حتى لبغيت ندير عنوان موسسة مغينفعني بوالو و الا تسنيت حتى تبدى الدراسة غتكون فاتت 15 يوم راني في حالة غدا انشاء الله نطق بالحكم و متاكدة انه غير عادل لانطليقي حضر مرة وحدة و لم يدلي باي وثيقة اقصد شهادة الاجرة يعني باينة عاطي فلوس و هو قال بنفسه يعني الايتاناف هو لي بقا قدامي

اختي حتى انا نفس الحالة ديالك حتى انا طليقي رجل تعليم وانا ايضا لا اعرف عنوانه الجديد هههه ولكن انت قوبي بلاستئناف و اعطيهم العنوان ديال المؤسسة قبل 15 يوم ا ملي توسل الجلسة الاولى قوليها القاضي اهي غادي التأجل حتى تبلغيه انزيدك واحد المعلومة اخرى ملي ديري استئناف سيري المحكمة الابتدائية بالرباط اديري طلب لرئيس المحكمة معاينة واستجواب الخازنة العامة للملكة ا اعطيهم رقم التأجير ديال طليقك وغايعيك الادن باش تخرجي مفوض قضائي ايجيبليك شحال تيشد بالضبط

او من بعد ديري مذكرة مرفقة بوثيقة او زيديها ف الملف ديال الاستناف هاد شي لي درت انا ، احاجا اخرا بالنسبة الطلب لي غدي ديري في مدينة الرباط راه نهار واحد تقدي فيه شغلك

سيري اختي بغيت ربي ينصرك و يعوضك بوليداتك و يبدل الحالة بما احسن منها حيث عيينا كن كانو يفهم يخليو الام وركز على تربية و المسولية لقدامها و في النهاية للاد غادي يوفكرو باهم لكانو مربيين و لكن هما مكيديرو مصلحة الاولا فوق كل نزاع الله بهديهم سكرا بزاف

اميييين اختي ، الله ياخد الحق اوصافي .لا شكر على واجب ،الى بغيتي شيحاجا انا رهن الاشارة لاننا نفس الحالة

ربي يخليك اكيد اختي ادا احتجتك لن اتردد و حتى نتي

السلام عليكم اختي عتقيني الله يعتقك من النار
شفت الحكم قالو فيه احالة الى المحكمة المختصة المحكمة التبتداءية بمدينة ..... الي هي مدينتي
مفهمتش علاش و لكن سوالي ليك هو دابا لبغيت نمشي نطيل شهادة ال اجرة ندفعا هنا قبل استناف تماك في الرباط اش غادي نقول ليهم عفاك طلب غادي نكتبو في الدار عطيني نمودج و لا غير قولي ليا لمهم فيه واش الرباط فيه غير محكمة واحدة و فين جات عافاك نوريني بغيت نسافر غدا انشاء الله

اختي بغيت شي طيقة لينتواصل معال شخصيا لكان ممكن

انا كتبت الطلب عند كاتب عمومي (طلب اجراء استجواب الى السيد رئيس المحكمة الابتدائية بالرباط) وبالنسبة للمحكمة لفرباط المحكة الابتدائة ماشي محكمة الاسرة

المدينة 00/00/000
طلب اجراء استجواب الى السيد رئيس المحكمة الابتدائية بالرباط
افائدة السيدة .......
ضد.........-استاذ التعليم الثانوي التأهيلي رقم التأجير رقم ........
جناب الرئيس
انني متزوجة بالسيد ........ وفق الكتاب والسنة ولي معه ابنة اسمها ......
وانني تقدمت بدعوى النفقة في مواجهة موضوع الملف عدد ....... صدر في شأنها حكم عدد .... بتاريخ .... عن المحكمة الابتدائية ب.......قسم قضاء الاسرة
وانني استئناف الحكم المذكور
وحيث انني عازمة على اجراء استجواب مع الخازن العام للمملكة من اجل معرفة قيمة الاجر الشهري لشهر يوليوز 2018 ازوجي السيد ......
لاجله :
التمس من جنابكم الموقر وبكل احترام الموافقة على انتقال احد المفوضين القضائيين التابعين لنفوذ محكمتكم الموقرة لاجراء الاستجواب المطلوب مع تحرير محضر بذلك للرجوع اليه عند الحاجة والاقتضاء
وتقبلو عبارات الود والاحترام والسلام
الامضاء
المرفقات:
نسخة من الحكم عدد
نسخة من عقد الزواج

اختي هادا هو الطلب لدرت انا حيت ديك الوقت كونت مازال ماتلقت بالنسبة ليك غادي تبدلي فيه شي حوايج ادكري بلي انت مطلقة السيد ..... و ترفقي الطلب بنسخة الطلاق و ذكري الاسبباب لي خلاوك ديري هاد الطلب انك تفقتي معاهاهو دار مراجعة النفقة (انا سبب ديالي هو الاستئناف )

شكرا اختي سمحي ليا هاد شفت الجواب غير ننقل الجواب و نقولك كفاش نتواصلو خفت يمسكو لينا كلشي

اخادكي طلب تنفيد انا غادادي نسبفتوليك حتا هو باش ملي يوافقليك الرئيس على الطلب غسكي تنفديه بواسطة مفوض قضائي للذكر المفوضون القضائيون قدام المحكمة الابتدائية المكاتب الديالهوم

المدينة 00:00:000
ملف عدد :
امر عدد :
بتاريخ :
(هاد ملف عددز.امر عدد.بتاريخ : خليهوم خاوين حتى تقبلك طلب اغاتعمريهم بالرقم لغايعتويك اسمحيلي على هاد الشرح الممل مابغيتكش تكفسي اختي )
طلب تنفيد الى السيد كتابة الضبط لدى المحكمة الابتدائية بالرباط
افائدة السيدة .......
ضد.........-استاذ التعليم الثانوي التأهيلي رقم التأجير رقم ........
جناب الرئيس ،
يشرفني ان اتقدم الى سيادتكم بطلبي هذا والرامي الى اعطاء امركم لاحد المفوضين القضائيين التابعين انفوذ محكمتكم الموقرة قصد تنفيذ مقتضيات الامر المشار الى مراجعه اعلاه .
وتقبلو عبارات الود والاحترام والسلام
الامضاء

شكرا اختي بزاف انفنتي عمل الخير الله بخيرك دنياو اخرة
واش ضروري يكون هناك نسخة من حكم حيت دابا حكمو بدفع لعدم اختصاص و احالتها على مدينتي نمشي نيب نسخة من الحكم من ديك لمدينة ديال طليقي و لا بلاش و حاجة اخرة شحال اجرة المفوض

اختي انا لصونيتليك عاد دابا نالنسبة للنسخة الحكم ديري نسخة الحكم الطلاق كافية اما اجرة المفوض انا خلصت في الصندوق 190 dhs