تعطيل مصالح المواطن

أنا مواطن مغربي عادي من الطبقة المتوسطة بحالي بحال كاع المغاربة الحلم ديالي نمشي بلاد الغربة نحقق الحلم ديالي لمستطاعت نحققو في بلادي بلاد الحكرة و الظلم ، عملت المستحيل باش نجمع شوية ديال الفلوس باش نقدر على شراء التدكرة و مصاريف السفر و كولشي كان غادي فالطريق الصحيح حتى وصلت للإدارة العمومية المغربية بالتحديد عمالة الحي الحسني بالدار البيضاء ، قدمت على طلب جواز السفر بعد ضياعه مني و في كل مرة كتمشي الأم ديالي تسول عليه لأنني خدام في الصويرة كيقولو ليها قوليه يحضر ، بالطبع كنشد المركوب من الصويرة إلى الدار البيضاء كنحضر باش يقولو ليا بعد شهر من دفع الملف أنه يتوجب علي إنتظر من 3 إلى 4 أشهر و لا يمكنهم إعطاي الأجل المحدد لكي أستلمه مع علمهم أنني لكي أتنقل إليهم دهابا و إيابا من الصويرة و من مسكني في الدار البيضاء حتا عمالة الحي الحسني يكلفني ما يفوق 700 درهم في كل مرة . هل صأصرف مدخراتي للسفر على العمالة ، لأنه يجب الحضور كل أسبوع لكي لا يتم حدف تسليم الجواز و أضيع في الأوراق و الوقت و تكلفة الطابع البريدي . لقد أظلمو عيني بعدما أبصرت بصيصا من الأمل . أدعو أن تهتم أكثر بالموضوع الإدارة العمومية . و رئيس مصلحة جوازات السفر ممسامح عليه لا دنيا لا آخرة لأنه تكلم معي بإحتقار لأنني ماشي لابس الكاميجة و هاز سوارت الطومبيل بل ولد الشعب و كتبان عليا و لا أحب أن أتعالى على الآخرين باللباس أو غيره . الله يأخد الحق فيهم كاملين .
أنا إنسان كيحب القانون و لا زلت أئمن به ، مادا يمكنني أن أفعل قانونيا لكي أستلم جواز سفري كأي مواطن مغربي ؟
و شكرا