حالة مستعجلة مدة تقادم جنحة الشيك

السلام عليكم الله يجازيكم بخير شي واحد ينورنا. انا كنت كنصيفط الكوليات مع واحد الشركة معروفة لبرا ؤكان كيجي عندي واحد السيد المحال يتخلص في الفواتر انا كنت كنخلصو بي الكاش ؤكيكاشي ليا في الفاتورة payé دازت مدة ديال عامين صيفطات ليا الشركة بلي خاصني نخلصهم في جميع الفواتر من نهار بديت كنصيفط معاهم تفاجأت قتلهم رني مخلصكم قالو لي الى معندكش التواصل معدنا منديرو ليك. الصراحة قلبت لقيت شي 50000 درهم ديال التواصل والباقي ضاعو مني ولاكن هما عارفيي انني مخلص ولاكن مع كنخلص بي الكاش دارو ليا بحال هكا حنت داكشي كياخدوه هما بيناتهم. تفاهمت معاهم عطيتهم 4 الشيكات جوج تخلصو فيهم وجوج رجعتهم البنك. جمعت داك المبلغ بمشقة الانفس عطيت النص الي خدام معاهم ؤكاشا ليا ورقة والباقي صيفطتو مع واحد السيد كان خدام معايا ولاكن الشيكات مخديتهمش. ملي مشيت ناخد الشيكات ديالي الي خلصت مبغاوش يعطيوهم ليا. زادو نفخو ليا فاكتورات ؤخراين ؤقالو ليا هدالشيكات غنشدوهم حتى تخلص الفاكتورات الجداد. انا مقدرتش نخلص الفاتورات الجداد حنت بزاف عليا داو ليا رزقي عين باين انا كنصيفط لفرانسا كيلو بي 300 درهم ؤكتجيني فاتورة فيها خمسة كيلو بي 1000 درهم هداك هوا التمن باش شاد الكوموند. المهم هد الشيكات رجعتهم البنكة في 2013 ؤملي كنمشي باش نسترجعهم كيقولو ليا شيكاتك عند المحامي. ؤ انا دابا درت حادتة سير خطيرة هدي شي عشرين يوم خرجت من سبيطار ولاكن مقدرتش نمشي عند البوليس باش ندير المحضر ديال الحادتة. خفت يكون دافعينهم. واش من 2013 التاريخ الي رجعتهم البنكة غيكونو باقين متقادموش؟ الله يرحم الوالدين شي واحد يجاوبني