الحكم على شخص بعقوبة حبسية لمدة ستة أشهر مع العلم أن نفس الشخص كان محكوم غيابيا بسنتين حبسا نافذا ؟

كيف ذلك ؟

جميع الاحكام التي تصدرها المحكمة تكون مسجلة كتابيا واليكترونيا (سيستيم ديال المحاكم ) تاواحد معندو فين يسلت
تانيا : نتا قلتي تحكم بسنتين نافدة غيابيا يعني بدون ميكون حضر لجسلة زائد انه متعتاقلش
تالتا : تشد بالسرقة وتحكم ب 6 اشهر هنا القاضي غادي يشوف واش عندو شي احكام اخرى فحقو امطبقاتش عليه هنا كيجمع ليه كلشي لقديم اجديد

نديرو افتراضية ان القاضي نسا او او غفل على الحكم لول ديال سنتين كون هاني غادي يدوز ديك 6 أشهر ديال سرقة
انهار ليغادي يخرج فيه من الحبس ماغاديش يخليوه يخرج حيت ديك ساعة كيقلبو فسيستيم ياك معندو شي حكم قديم او شي قضية متشدش عليا غادي يبقاو ديك سنتين ليقلتي نتا (حكم غيابي)
خلاصة القول. البق ميزهق. سيستيم ماكينسا حتا واحد وخا يهرب لواحد 50 عام

خلاصة صغيرة قوليه يمشي لكوميسارية ديال البطاقة الوطنية ويطلب ليهم السجل العدلي
لموضف الأمني غير غيدير رقم البطاقه الوطنيه ديالو فسيستيم غادي تطلع ليه روشيرشي تما غادي يدير ليه لمينوط وعيط على الشرطة القضائية تديه