حبس موقوف التنفيد والزواج من دركي

اختي انا مشيت لعند محامي قال لي حتى حبس موقوف التنفيد يعني سورسي على حسب ما قال يضهر في سجل العدلي مع العلم انا لما دوزت 24 ساعة في ولاية الامن وبعدها المحكمة امام وكيل خرجت وعطاوني موعد جلسة ولما مشيت قالو لي مكاين والو مادزتش امام قاضي او سمعت حكم انا بسبب البحت للي يجرى على خطيبة دركي للي خلاني ندير استشارة قانونية مؤخرا بعد مرور ست سنوات على القضية والمحامي قال ايمكن تحكم غيابي هاد الموضوع في سننة 2015 وخفت يأتر على طلب رخصة الزواج للي يقدم خطيبي

اوا ديري واحد لقضية باش تحيدي الشك لا من جيهتي ولا من جيهت المحامي سير لمحكمة تطلبي ليهم السجل العدلي كتخلصي عليه 30 درهم
وسيري عوتاني لكوميسارية ديال البطاقة الوطنية
اطلبي ليهم حسن السيرة والسلوك كتخلصي عليها 30 درهم
ملي تاخدي هاد لورقات اولا وحدة منهم غادي
تالقاي فيهم السوابق و تواريخ ديالهم
او عبارة. ( لا شيء ) يعني معندك والو

أما مايخص خطيبك الدركي راه ضروري القيادة العامة للدرك الوطني كدير بحت عليك وعلى الأسرة ديالك + العائلة ديالك
بحت معمق ودقيق

السائلة تقول بان الحكم صدر ويكفي أن يصبح نهائيا ليظهر في البطاقة التي تحدثت عنها ولا علاقة لذلك بدخولها السجن من عدمه.

انت لا تكلفين نفسك البحث لاكتساب ادنى المعارف القانونية..وتفتين في اشياء لا تعلمين عنها شيئا ... هذا مجال ليس للعبث....
راجعي مواد المسطرة الجنائية في فصولها المتعلق بالسجل العدليو ببطائق السوابق القضائية لتجدين ان قولك :"مادمت لم تطأ اقدامك اسوار السجن فلا خوف على سجلك العدلي ولى على حسن السيرة والسلوك".. ستجدين ان هذا القول اشبه بكتابات قصصية وليس قانونية .......
جميع احكام الادانة التي تصدر في حق الشخص تقيد في سجله العدلي بدون استثناء ..... فقط هناك فرق بين البطائق المستخرجة من السجل العدلي فهناك ما يشتمل على جميع السوابق وهناك ما يقتصر على البعض منها فقط حسب درجتها طبعا.

المصدر: https://mahkamaty.com/ar-ma/consultations/77247