النفقة دعوة طلاق الشقاق

اخي الدعويين مستقلين
الامتناع معناه الاهمال حاول الاتصال بالمفوض من اجل الاداء
قبل تحرير محضر الامتناع

لقد مرت أكثر من شهر هل يمكنني الأداء الآن و لمن
هل النقود تعطى المفوض القضائي و يعطيك reçu
ولا كتمشي تحطها فصندوق المحكمة

من الافضل تتواصل مع المفوض و تسولو واش حرر محضر بالامتناع
الانه حتى وان تقدمت الزوجة بشكاية الاهمال تيمنحوك اعذار من اجل الاداء

المفوض فاش جا دك نهار جابلي التنفيذ عطاني ورقة فيها إعذار من أجل الأداء
دبا أنا بغيت نأدي سواء دار الامتناع ولا مازال
فين غنمشي نخلص ؟؟

الاعذار لي هدرت عليه انا ديال الشكاية
تؤدي عند المفووووض ^^
لانه قبل التنفيذ كان ممكن تؤدي في صندوق المحكمة (حسب علمي)
لكن الزوجة نفذات عليك..اتصل من جديد بالمفوض او محامي زوجتك

دبا عطاني دك نهار روقة ديال التنفيذ و واحد الطي صغير و ورقة د إعذار بالأداء
يعني ماكانش خصني نشدها ؟
و سينتلو غي على التنفيذ أما الإعذار ما سنيتش عليه خديت غي الورقة
يعني راهم دارو الإهمال
و داز دبا شهر
يعني تسالت المدة ديالو
شنو المعمول

واش فأي لحظة يجيو يديرولي الحجز على شي حاجة ديالي ولا الإكراه البدني و لا معرفت ؟

اخي الكريم توقيعك معناه انك بلّغت بالحكم و تم تنفيذه عليك
اكرر لك اخي اتصل بالمفوض من جديد ..قد يمنحك مهلة اكثر مما في الاعذار
طالما زوجتك "مصدعتلوش الراس على ملفك" ممكن ينساه اصلا
اما استدعاء الشكاية باين حتى يوقفوك عليك البوليس
اتصل بالمفوض و نفذ الحكم و سيسلمك ما يفيد الاداء

لا الشرطة القضائية حتى هي تتعطيك اعذار للاداء

سمحيلي بارك الله فيك
ها هو تمامنحنيش مهلة و لقيتو عمر محضر الامتناع
و بغيت نخلص ، يعني واش غنخلصو فجميع الأحوال ولا غنمشي لبلاصة أخرى
و زايد عليا 500 درهم سي نورمال ؟؟؟

واخا يكون حرر محضر المهم ميكونش في يد الزوجة حيت هي اللي غدي تستخدمو
بالنسبة مصاريف المفوضين الصراحة الاساتذة في مناسبات عدة كانو تيوضحو هاد المصاريف حاول تبحث في الموقع
اخي عافاك اتصل بالمفوض و اجي قولي شنو قاليك و لكل حادث حديث ^^

أساتذة راني اتصلت بيه و گالي بلي الأجل تيكون ف 10 أيام دبا دازت 24 يوم

و گالي اليوم عمر الملف ديال الامتناع و غيدفعو نهار الاثنين
گالي الى جيتي اليوم ولا غدا ممكن تخلص

شفت ^^ ها انت الحمدلله تفكيت من الاداء

بارك الله فيك.غير خفت لمين يكون عطاهم ملف الامتناع
و نخلصو ، يعني ما كاين مشكل فهاذ الحالة ؟

لا مكاين حتى مشكل
سير عندو اليوم و خلص و خليه يعطيك وصل الاداء
و سينتهي الموضوع
على سلامتك ^^