انا تزوجت غشت 2016 و ولدت بنت يوم 23 أكتوبر 2018 من بعد ما خرجت من المستشفى زوج ديالى جابني لدارنا جلست عندهم 40 يوم و بدا كيتهرب مني كنقول ليه يجي باش يديني لدارنا مع العلم أن هاد لمدة كاملة لي كنت جالسة ف بيت لاهل ديالي ما كينفق لا عليا ولا على بنتي لوليدين ديالي هما لي تكلفو بالعقيقة و النفاس و مستلزمات الولادة أما هو تكلف بالمستشفى فقط . من بعد ما وصلني الأب ديالي لبيت الزوجية لقيت بأنه ما بقاش باغيني جلست عندو 4 أيام و فاليوم الخامس طردني أنا و بنتي من لبيت رجعت لدار والدي تفاجأت من وراء 2 الاشهر بأنه رفع علي دعوة ديال طلاق الشقاق . دازو جلسات الصلح دون أي محاولة من بعد وكيل لملك آمر لمفوض القضائي باش يحضر ليه شهادة الأجرة ديالو . بالفعل جابها كان فيها 12000dh . دابا لقضية وصلت للمداولة. بغيت نعرف شحال مصاريف الطلاق لي غاديا تحكم ليه بيهم المحكمة و شحال النفقة الشهرية للإبنة ديالي. جزاكم الله خيرآ
3 تعليقات أضف تعليق
حتى انا حكمات ليا القاضية بجلسة الصلح ولك هو ما بدل حتى شي مجهود تقريبا كانت الجلسة شكلية من بعد 2 ديال الجلسات دلى المحامي ديالي بجميع الوثائق مثلآ مصاريف الطبيب ديال البنت الديالي و مصاريف الدواء لان بنتي عندها حساسية جلدية + طبيب ديالي لاني وليت كنعاني من لعصاب فالقلب + مصاريف الدواء و التحاليل كل هادا دفعتو فالملف ديالي لانه هو المسؤول عن نفقتي و الان انتضر الجلسة المقبلة بعد المداولات باش نعرف شحال غادي يخرج ليا فالمصريف و شحال قيمة نفقة بنتي
صعب تحديد المبلغ بالضبط و عموما كلما كان الاجر مرتفع كلما
قضت المحكمة بمبالغ محترمة
تعليقان
موقع محكمتي لا يضمن صحة هذه الإجابة. الموقع فقط يضمن الإجابات من الأعضاء المعتمدين بعلامة
السلام اختي انا تقريبا مريت بنفس التجربة رفع علي دعوى طلاق الشقاق في فترة النفاس ديالي وتقريبا المعطيات نفس المعطيات الي طرحتي القاضي حكم بجلسات صلح ارجو الاستشارة اختي شحال النفقة الشهرية لي حكم ليك بيها القاضي وهل المعادلة الحسابية لي قلتي بلي الاجر يقسم على اربعة صحيحة ؟ شكرا اختي والله ييسر ليك الامور