رجوع الى بيت الزوجية
سلام استاد اني مزوج مدة أربع سنوات وعندي بنت زوجتي خرجة من بيت زوجية من بعد سيمانة اني في العمل جات البيت رفقة امها واختها جمعو كولشي داوه لمي عيط ليهة قالة لية سير كري لية برطمة او فرشهة او عاد اجي ديني هيا خدامة حتا هية منعاتني نشوف بنتي او حتا فاش كنصوني مكتاوبش اش خاصني ندير
3 تعليقات أضف تعليق
3 تعليقات
Rah kari che9a ou mfarcheha 3la 9ad jehdi ms hiya mabaghache tarja3 gatli ani bagha ntala9 ou baagha ha9 banti
دابا خاصك تدي معاك مفوض قضائي باش إعاين الشقة لي كريتها وفرشتها على قد جهدك، ويحرر ليك محضر ف الموضوع.
من بعد غادي تمشي مع نفس المفوض، ولا واحد آخر لعند مراتك وتطلب منها باش ترجع معاك للدار لي كريتها وفرشتها. المفوض راه غادي غير يشوف ويسمع آش غادي يدور بيناتكم، باش إعاود إدير ليك محضر ديال معاينة اخرى.
إلا هي ارجعات معاك فتبارك الله، وإلا ما بغاتش ترجع، ارفع عليها دعوى الرجوع لبيت الزوجية وتدلي بالمحاضر بجوج لي عطاك المفوض المرة الأولى والثانية.
القاضي راه غادي يستدعيها باش يسمع لها ويشوف آش بغات. إلا هي بغات ترجع مرحبا وإلا ما بغاتش راه غادي يحكم ليها بالطلاق على حساب طلبها، وانتا المصاريف غادية تقل عليك، وكيف ما كان الحال راك رابح فهاد المسطرة. وبالتوفيق ان شاء الله.
موقع محكمتي لا يضمن صحة هذه الإجابة. الموقع فقط يضمن الإجابات من الأعضاء المعتمدين بعلامة
صباح الخير،
إلا نتا درتي داكشي لي كلت ليك ها انت وصلتي للنتيجية ديال المسطرة لي سبق لي نصحتك بها.
أما هي ملي رفعت دعوى ديال الطلاق للشقاق، راه المحكمة غادية تنازل على جزء من حقوقها وغادي تطلقها المحكمة، أما نفقة البنت راك ملزوم بها.
الحوايج لي دات يعوضهم ليك الله، حيث ما كاينش السرقة بين الأزواج وثانيا ما عندكش الإثبات. انت غادي تكول هي لي داتهم وهي غادية تكول ما داتهمش وثالثا ما عندكش الفواتير حيث حتى واحد ما عمرو كيتوقع بلي مراتو غادية تسرقو.
على كل تبع المسطرة ديال الطلاق، راه هي لي غادية تخسرك ف القضية ماشي انتا.