نصب و إحتيال من طرف وكالة (شركة) معروفة

سلام الإخوة والأخوات ، سمحولي بغيت ناخاد بعض النصائح ، بحكم ممكن يكونو هنا ناس كبار عندهم دراية بالقانون، أنا خديت الباك ديالي العام لي فات وكنت دفعت مع واحد الوكالة باش نقرى فواحد البلد أجنبية ، لمهم بحكم البعد أنا عمرني ممشيت لديك الوكالة شخصيا فجل المحادثات كانت على تطبيق WhatsApp ، فكنا تافقنا على شروط معينة ومن بعد سيفت ليهم تكاليف الخدمة( حوالي 20000)، وكانو سيفطو ليا ليروسي و عقد لي فيه الأمور الواجبة علي وعليهم (على سيغة PDF) ، زائد مصاريف أخرى كتأمين إلخ ...فصافي الحمد لله تيسرات الأمور وجيت لديك الدولة ولكن كنتصدم من بعد أنه داكشي لي كين فالعقد وداكشي لي تافقنا عليه ولي على أساسو جيت وخسرت لي مورايا وقدامي مكينش،أي أن ديك المنحة لي جيت على أساسها مكيناش فطريت نخلص ، هوما ديك الساعة بداو كيتبتوني وكيقولولي متخافيش راه غلقاو ليك حل غنحولوك ، غنشوفو ليك جامعة أخرى كتوافق داكشي لي تافقنا عليه ولي على أساسو خلصت مجموعة من المصاريف الإضافية، فبقيت صابرة وكنقول اليوم غدا غيديرو معايا شي حل حتى صافي مبقاوش عاودو جاوبوني،كنصوني كل نهار لجميع الأرقام ديالهم ولصاحب الوكالة والموضف ديالو لي هنا حتى حد مبقا كيجاوبني ، وأنا دابا ضاعلي عام ومشاولي فلوسي ، وغنضطر نرجع المغرب ، فبغيت نعرف شنو ممكن ندير معاهم، خصوصا أنها وكالة مشهورة ومبغيتش طلاب آخرين يطيحو فنفس الخطأ ديالي ويضيعو حياتهم وفلوس والديهم على هاد النصابين.