النصب و الإحتيال

سلام أدمين الله يرحم الولدين دوز ليا هاد المنشور محتاج استشارة :
في 2016 شريت شاحنة كبيرة ب 21 مليون 12 مليون ديالي و 10 قرض مرهونة فيه الشاحنة وبحكم الأخ ديالي سائق شاحنة ساكن مع الوالدين ديالي و أنا ما شي الضومين ديالي اقترح عليا يخدم في الشاحنة و يخلص ديك 10 مليون بالخدمة ديالو و من بعد يولي شريك معايا بالنصف فكرت و حيت أخ ديالي استشرت مع الوالدين وافقوا و دعاو معانا بالنجاح و التوفيق المهم أنا درت غلط كبييييييييييييييييييييييير درت ليه الشاحنة في الأسم ديالو ملي بدا خدام ما قدرش يرجع القرض للبنك بالأقساط في الأشهر ال6 الأولى أنا دخلت ديك ساعة قلت ليه ما قدرتيش صافي تلغا الإتفاق الي قلنا في الأول غادي نخلص القرض من عندي و نبيع الشاحنة الوالدين طلبوني باش نصبر عليه حيت ما عندوش فاش يخدم مقدرتش نخسر لوالديا خاطرهم حيت ساكن معاهم و عندو 2 أطفال رباو عليهم الكبدة كملت معاه حتا بقات ليه 3 مليون جيت خلصتها عليه باش يبدا يبان ليا الرباح من الخسارة حيت كان كيتشكا من الطريطة من بعد بدا كيخدم خدمة سلك خدمة ديالة باطرون بقيت صابر سنة كاملة هدا الصيف قلت أنا كانساحب من المشروع و باقي ليا فيه 15 مليون إلى لقيتي تاخد قرض و تبقا ليك الشاحنة ما لقيتش لي يسلفك نبيعو الشاحنة نعطيك 2 مليون و اللي بقا نخلص ليك شي كريديات صغار في حدود مليون و الي شاط ديالي حيت الشاحنة الثمن ديالها دابا 15 مليون ما قبلش بالبيع قاليا نقدر نهز غير 10 مليون نعطيها ليك و تعاون معالي انا رفضت دخلو الوالدين للمرة الثانية قبلت بديك 10 و ضروفي اسوأ منه لأني فقدت عملي و متزوج و كاري... قلت اللهم 10مليون و لا والو الورقة الوحيد التي كنت أملك باش نزيرو هي ديال البنك بأن الشاحنة
خالية من الدين و ديك الورقة الى ما كانتش ما يتباع ما يتشرا دابا انتظرنا 2 أشهر ما جابش ديك 10 مليون ملي قالوا ليه بيع الشاحنة ما بغاش قاليهوم النص بالنص و هز أطفالو و مشا كرا ليهم .....المهم الأن وصل المشكل إلى نفق مسدود انا أعلم جيدا أني قانونيا ما كانسال وااااالوووو حيت الشاحنة في إسمه المعطيات التي أملك هي كالتالي :
-لدي جمييع أوراق الشاحنة و المفاتيح و ورقة رفع اليد من البنك
-أبي و أمي سخطوا عليه و أمروني أن أرفع دعوى قضائية و هم الشهود و أخوتي شهود
أنا موقفي قانونيا ضعيف جداااااااااااااااااااا و الندامة و الإحساس بالغباء و الخيانة تقتلني يوميا..... الحمد لله على لطفه .الأعضاء الكرام ما نصائحكم و شكرااااااااا مسبقا.
!!!!!!ملحوظة : لو لم يكن أخي أكبر مني و ساكن مع والدي لما سجلت الشاحنة بإسمه