استشارة عاجلة الله يرحم الوالدين
رفعت دعوى د النفقة على المدة اللي جلست فدارنا انا وبنتي وخرجت ليا 72 الف ف 5 شهور واش هد المبلغ عادي ولا ناقص
انا حسبولي 250درهم
والبنت 350 درهم
بالنسبة لدعوة طلاق مزالين فجلسات
2 Commentaires Ajouter un commentaire
الأجرة الصافية إن كان أجيرا، أو غير ذلك إن كان حرفيا أو عملا مياوما.
9 Commentaires
خويا احنى غير دراوش وبابا اللي يجري مريض ومعرفنا فين نسوله النفقة 6 شهور ماشي 5 غير غلطت
ودعوة د نفقة فجوج جلسات وفمدة 15يوم تحكمت الجلسة اللولة حضرت انا وهو لا والجلسة الثانية حضر هو وتماك نطقوا بالحكم غيكون دفع وراق بلي عنده كريدي وبلي كيصرف على دارهم حيت نفس الشيء داره فدعوة د الطلاق
شنو خصنا نديره واش نديره استءناف
واخا الله يرحم الوالدين ويجازيك كل خير صافي مغاديش نستانف كنتمنى غير من الله فالطلاق ميظلموش بنتي ويديره ليها نفقة اللي نقدر نكبرها بها مستورة
شوفي أ الشريفة، راني فايت جاوبتك على المشكل ديالك فتاريخ 9 نونبر 2018, لما قلتي بلي المبلغ لي خرجات ليك المحكمة قليل وسولتك شحال الأجرة ديال راجلك وقلتي 4.000 درهم، راني قلت ليك بلي يمكن ليك تستانفي الحكم داخل أجل 15 يوم بعد التبليغ به.
هادشي لي كتهضري عليه ما عرفناه واش النفقة لي قبل الطلاق، يعني المدة لي خرجت فيها من عند راجلك وجيتي عند والديك ولا انت دابا مطلقة ببنتك ولي عطى الله عطاه ؟
حيت سبق ليك قلتي ليا بلي ف الدعوى ديال الطلاق درتي محامي كينوب عليك، راه هو لي عارف الملف ديال الطلاق وخاصك تستاشري معاه ف الموضوع.
راني رجعت الاجابة ديالك قبل ودرت بناقص من استءناف ولكن يلاه دابا شديت نسخة من الحكم وعاد قريت مزيان شنو مكتوب ولقيت راسي تقولبت بزاااف بنتي نفقتها 250 درهم وراجل دايرين فنسخة د الحكم بلب كيشد 4500 درهم االي شاف الحكم كيكولي ضيعوك بزاف وتلفت معرفتش واش مزال عندي امل نستانف ولا لا . كنهدر غير على نفقة اللي كنت فدارنا
دابا بغيت غير نفهم هد قبل تبليغ شنو كتعني حيت الحكم كان ف شهر 11 فيه 7 ونسخة من الحكم شديتها ف 12 فيه 4 ومزال مدرت حتى حاجة
بغيت غير نثير انتباهك بلي باقى عندك الحق ف الإستئناف الحكم ديال النفقة حتى لنهار 2018/12/18، يعني تمشي عند المحامي نهار الإثنين يكتب المقال باش يحطو نهار الثلاث، وإلا فات الأجل راه كتعتبري بلي قابلة الحكم ديالك.
ونخبرك كذلك راه الإ استانفتي الحكم، تقدر المحكمة تحكم ليك ب 500 درهم بالنسبة ليك و 400 درهم للبنت، على حساب الأجرة ديال الزوج.
Le site Mahkamaty ne garantit pas la véracité de cette réponse. Le site ne garantit que les réponses des membres certifiés
حسب المعلومات المتوفرة فإن الحكم الذي تم تبليغه الى المعنية بالأمر فقد تم التوصل به بتاريخ 2018/12/04، ويبقى آخر أجل للإستئنافه هو يوم الثلاثاء 2018/12/18، وليس غير ذلك.