ظلو و طلاق شقاق

أنا متزوجة ٦سنوات و لدي ابنة دات ٣سنوات .. السيد اللي أنا متزوجة بيه سكير و فاسد كنت ديما كانحصلو فالخيانة و كانسمح ليه على وجه بنتي و كانصبر.. هادي تلات أشهر حصلتو كايهضر مع واحد البنت و كايواعدها و شحال من حاجة عندي كلشي بتسجيل .. هزيت حوايجي و حوايج بنتي و مشيت لدارنا رفعت به دعوة ديال الخيانة .. اللي ماصورت منها والو حيت قالو أن التسجيل ماشي دليل.. و رفعت دعوة ديال النفقة.. دازت شهر جاتني دعوى ديال الطلاق للشقاق .. من بعد طلب مني يشوف بنتو و هبطتها ليه هادشي قبل الجلسة .. اللي من بعد و بحسن نيتي حيت قالي أنه باغي الصلح و شحال من حاجة سرق لي الهاتف ديالي و لقا واحد النمرة ديال واحد السيد معروف فهاد المدينة و اتهمني بالخيانة و أني كانعرف داك السيد .. و دا الهاتف ديالي للشرطة .. فالجلسة ديال الطلاق اللي دازت الإتنين قال للقاضي أنني خائنة و فاسدة بهاد الطريقة نعتني و قال للقاضي أنه كون ماحشم يدير adn لبنتو اتهمني بالباطل حسبي الله ونعم الوكيل فى كل ظالم . ديك الهدرة أترت في و هادشي كامل دارو باش يتملص من واجبات الطلاق.. مع العلم هاد الزوج ميسور.. بغيت نعرف واشهاداك الكلام الي قال للقاضي غايأتر علي فالواجبات اللي خاصو يعطي حيت القاضي ماخلاش لي فرصة نحامي على نفسي على داك الكلام لي كولو باطل بلا دليل سوى الهاتف اللي قال للقاضي انو فالخبرة و لا ماعرفت فين .. ! حسيت بالظلم و الحكرة حيت خرج من الجلسة كأنو منتصر فشي حرب وانا كانطالب غي بحقوقي و حقوق بنتي اللي بغا يحرمني منهوم .. و المشكل أن بيت الزوجية في الدارالبيضاء و جا دار الطلاق فالمدينة فاش خدام هو حيت عندو معارفو و حيت كنا درنا العقد هنا .. أنا دبا بغيت نرد الطلاق للمدينة اللي فيها الوالدين ديالي و اش ممكن ..
طولت سمحولي و لكن بغيت نحطكم غي فالحيتيات