مفوض قضائي بإفراغ

السكنى ماشي محل تجاري وأصلا أنا تلقيت به مرات عديدة ومتفهمناش وجاني في ضروف صعيبة يعني خرجت من خدمة 8 أشهر بدون عمل وأنا في حالة صعيبة وغادي يجي نهار نعطيه رزقو ولكن هو متقبلش هاد هدرة يعنى باغي فلوسو ولي بغيت نوصلك أنه ما عندوش قلب باش يسمحلي

ولا رفع عليا دعوة مدة زمنية لكتستغرق في إصدار حكم بإفراغ وأداء

هدا كيعتامد على مدة التوصل و الجواب في المحكمة حنا دعوى ديال الافراغ في الابتدائي استغرقات 5 اشهر و الاستئناف اربعة اشهر و التبليغ و التنفيذ شهرين و غير انا لي سهرت على هادشي
يعني تقريبا عام
انا ادا سعفتيني طلب منو السماحة لانها احسن ليك حتى من جهة الله
ونزيدك راه ادا طلبتي منو السماحة غادي يحشم منك كيف وقع لينا مع واحد السيد كان كاري عندنا
ومخرج من المحل حتى النهار لي قبل التنفيذ ومع ذلك من وراها حا عند الواليد وطلبو وسمحنا ليه واخت خسرنا الفلوس في المحاكم و المحامي
وكنتسالوه 15000 درهم وسمحنا ليه

الا رفع عليك دعوى خاصو ابلغك او مفوض مغادي لقى لمن ابلاغ.غير سلم ليه سوارت امام شهود او حاول تغير سكن بدون عرف عنوانك جديد.

هدا حالة ديالك ما كتشبهش حالة ديالي أنا كاري عند واحد برجوازي يملك مئات منازل وهو شخصيا كيحرث على مسألة يعني بدون مساعد ورجل مسن وهو من أهل فاس لا يعرفون كلمة الله يسامح ولو في درهم واحد وهاد شخص يعني هاد سيد عمرو سول فيا في كراء عمرو نبهني من قبل لمدة سنة وعملية كتم عن طريق بنك وليس نقدا ممكن ندعي انني كنخلصو نقدا و ما كيعطنيش توصيل خوفا نن ضريبة وفعلا ما كيعطينيش توصيل ؟؟؟؟

اداء الكراء يمكنك اثباته اما بوصولات البنك او بشهادة الشهود او بتوصيل الكراء

سوف تؤدي اليمين امام المحكمة فأنصحك بعدم تفكير في هاته الخطوة.سوف تفرغ سوف تفرغ اذا لم يفرغك بتماطل بالاداء سوف يفرغ للاحتياج.

أنا أصلا غادي نفرغ قبل ما تنتهي مدة 15 يوم وقبل ما يرفع دعوة دابا حاليا توصلت فقط بمفوض قضائي كيدعوني نتفاهم معاه أما الإفراغ مسألة وقت قد تكون غدا أو بعد يعني قبل 15 يوم بتلاتة عشر يوم وسنغادر و سنمنح له مفاتحه ومبلغ لما يوجد نعطيهلو بغى وي ما بغاش غادي نغادر بدون عنوان وربي يسهل المور