استشارة عن محامي يتلاعب بي

اللهم امين شكرا اخي ..
الجلسة دازت موخرا و عاود دفع ضوصي و قالي واحد يومين غ يشد توصيل دفع الملف
بالنسبة للغيبة قالي راه غ يقلبو عليه و القاوه عن طريق السفارة ديالهم اللهم ديري شقاق
ايوة هاني تبعاه نشوف فين غ نوصل معاه .. الصراحة تلفت و دخت
ما بقيت عرفت شنو ندير
بالنسبة للجلسات هو لي كايحضر لحد الساعة انا عمرني حضرت قالي ماشي ضروري حتى اتوصل بالاستدعاء عاد انا ضروري حضوري ..

الشقاق صعيب بزاف الا متوصلش مغديش طلقي انا درت طلق الشقاق من الاجنبية هد مدة وانا تنطلع ونهبط في المحكمة تقريبا 5سنوات هد ومزال مرجعو لينا من دولة تاعها وكانت معيا واحد البنت مسكينة حتي هي نفس السنة ديما تيدرو لها يعاد استعداء المدعي عليه بالطريقة الدبلوماسية هي مسكينة عيات من طلع وهبط وترجعت عن الطلب دك الشي علاش قالت لك حسن لك دير الغيبة هما اقلبوا عليه اصيفتوه لك دك الساعة تفك معه بالتي هي احسن حيث دك الشي ديال الاجانب فيه المشاكل بزاف المهم الا شفتي راسك طولتي بزاف في المحكمة طلب التطليق وتزل علي حقوق ديالك المهم هو تفك الله افرج عليك في اقرب واقت انا عرف بحق طلق وهبط في المحكمة

شكرا اخي الكريم
هو ما باغيش اطلق .. انا لي بغيت نطلق و الى قلبو عليه ولقاوه غ يقولهم هي ما بغاتش تجي و تلغى الطلاق ..
نعم اخي قالو لي كايكون التاخير و انا حاولت ندير اسم الشركة ديالو باش اتوصل بالاستدعاء و ما يكونش تاخير .. التاخير لي وقع لي من طرف المحامي ما دفعتش اوراق الملف كاملة ..
اما حقوقي انا ما بغيت منو والو غ نتفك و السلام .. الله اصاوب لكل واحد ياارب

انا بحالك درت الطلاق الشقاق من الاجنبية وخلصة حتي انا بحالك للمحامي مخديتش روسي تنصيفت في الاستدعاة بدون جدوي سيفت 6 الاستدعات دوزت 12 جلسة وديما تنحضر دبا ملي دوزت الجلسلة قالو ليا بلي هما لغدين اقلبو عليها ودرو ليا في الملاحطة الاستعانة بالنيابة العامة قصد البحث عن المدعية عليه وتنقيطها في الناظم المعلوماتي معرفت اشنو كتعني هدا الملاحطة واش غيقلبو عليها ويجبها والا اش غدين ادرو معيا دبا من 2015 معمرها تدخلت للمغرب واخر مرة هدرة معيا مكنتش في بلدها كانت دولة اخرة خفت غير ارفضو ليا الطلاق المهم الله اصوب وصافي مرضني هدا الشي

فعلا هادشي كا يمرض .. كاين بزااف حالات بحال هكا كون القانون شوية اعطينا حقنا اشوفو غ اخر دخول في المطار و افكونا .. لاااش اصيفطو هاد الاستدعاء كااع ..
وزيد لها دابا عطى الله وسائل التواصل باش الواحد اوصل الاستدعاء واش لاااابد خاصها تصافط عبر مراحل لي موووت يا حمار فوقاش توصل ..
انا عندي عنوان شركة ديالو لها لاش غ يصيفطو و نتمنى اتوصل بلا عراقيل عاوتاني ..
الله المعين ..

ملي صفتو الاستدعاء عودة رجعت تتهدر معيا قالت ليا واش صيفتي شي استدعاء لدار وقالو لعايلتها الا جات دوز عندنا تاخد الاستدعاء تاعها حيث مكيناش في بلادها وقالو لمها راه الاستدعاء ديال الطلاق والدولة تاعها مجوبتش حيث خصهوم اخوب علي الاستدعاء ملي قالت القضائي راه توصلت قال ليا خص الدليل اجي من الدولة تاعها ويكون مختوم من ظرف القنصلية المرض صافي تتبق طلع وتهبط ومخليت مدرت مشيت عند العون القضائي اصيفط هو الاستدعاء مبغاش قال ليا حنا غير المغرب صافي وقالت لهم نصيفته عبر البريد المضمون مبغوش ايو دبا هما غدين اتكلفو من 2015 بدون حل باز اما دك الشي ديال الاجانب خص غير دوز عام مدخلش المغرب يجب فسخ العقد حيت ولاد الحرام هنا تيكونو مزوجين وفي دولة تاعهم لا وعندهم هما حرية

فعلا حنا كنتزوجو هنا و هما احرار لهيه .. انت مالها مادارتش معك اتفاق و تفكو مالها مزكرة معك ..؟ مالها ما بغاتش تجي .. شنو غ يطلع لها من هاد التصرفات..؟
بالنسبة لي ما جاش عندو مشكل مع الابناك في الامارات و خايف اخرج من بلادو الهند هذا هو لي داير لي عراقيل ..
نتمنى نتلاقى معاه حل مثلا اصيفط لي رسالة انو عارف بقضية الطلاق و عندو ظروف خاصة ما يقدرش اجي و اصحح الامضاء عندهم غ ما عرفتش واش ضروري اليكاليزيها عند السفارة المغربية ولا اكتفي بالتصحيح عند السلطات ديالهم ..
جرب معاها انت هاد الحل .. ولا الى عندها فاملتها في المغرب صيفط لهم الاستدعاء
ربي يصاوب

درت معها جميع الحلول ومبغاتش تجي وطلبتها باش تصيفت ليا غير شي ورقة بلي بغات طلق والو درت معها جميع الحلول حيث انا غير شفتها تبدلت عطيت الخاطر باش غير تجي ونتفك معها بالتي هي احسن ولكن بدون نتيجة تتبق تسب وتبق تنكار عليا صبرت حتي عيت واحد النهار كنتفجا بلي حيدت الوتساب والفيس بوك بقيت عام مبان عليها حتي خبار مشيت المحكمة طلبو ليا المحامي مشيت شديت المحامي وعوت له دار معيا 5000درهم باش اشد القاضية قال ليا غدي ندير الطلاق الشقاق واخ انا قترحت عليه الطلاق الغيبة من الاول مبغاش المهم دار طلاق الشقاق وقتما تنمشي عندو نجيب الاستدعاء تيطلب ليا الفلوس وانا علي نيتي تنعطيه حتي كملهم ولقيت راسي موصلت فين وصلت الاستدعاء رجعت ثاني تتهدر معيا بغات غير تعرف ديال اش ديال الاستدعاء حيث كيما قالت لك مكيناش في دولة ديالها تيمشو لدار تيتلقو غير عايلتها وتيقولو لهم قولو لها تجي عندنا لكوميسرية تاخد ستدعاء جاتها من المغرب ملي رجعت تتهدر معيا غير قالت لها راه الاستدعاء ديال الطلاق هده صافي نقطعت ثاني ملي دوزت الجلسلة الثانية قال ليا القاضي متوصلتش قالت لها راه توصلت وها الدليل مقبلش ليا قال ليا خصني الجواب من دولة تاعها صافي تنطلع ونهبط حتي عيث متوصلت لحتي حل دبا قالو ليا هما لغدين اقلبو عليها ولكن حتي الا قلبو عليها وجابها اش غدي ندير بها مزال من 2015 معمرني شفتها وقال ليا المحامي ضروري نخلص لها الصدق والمتعة والعدة واخ انني انا لمتضرر وبالنسبة لطلاق الاتفاقي ضروري خص المدعي عليه احضر لجلسة الاولي انت راه القاضية عندك ساهلة وقتما شفتي دك الشي تعطل قال القاضي انا بغيت غير نطلق مبغيت منو والو المحكمة دك الساعة غدي طلقك وتنزل علي الحقوق ديالك

اه انت خاصك تخلص المتعة و العدة لانك انت لي باغي طلاق اما كون كانت هي راه ما غتدفع والو ..
ولكن صداق علاش ..؟ ما عطيتيهش لها من الاول ولا ما كملتيهش لها ..؟
الصراحة جوج كايتلاقاو ما كايبقاوش مفاهمين صافي اتفقو اطلقو و كل واحد اشد طريقو لاااش هاد الانتقااام..
عرفتي شنو دير صيفط الاستدعاء باسم امها سول عليها المحامي و الى كان ممكن امها توصل بالاستدعاء ديك ساعة امها شغلها هذاك ترفض او تقبل .. غ يجاوبو هنا انها مثلا رفضت و انت غ تفك .. اما هي هكاك بقيتي معاها كنظن اللهم دير شي حد من فاملتها اتسلم كنظن احسن حل ..
الله افكك اخوياا .. بنادم صعيب بزاااف و خبيث .. الله ابعد علينا شر الخلق يااربي ..
ربي غ يفرج

رفعت دعوة حيث انا متضرر السيدة مشات وخالتي ونزيدها مزال نخلص لها زوينة هد ثاني الصداق خلصتوا ولكن مكتوبش في العد بلي مخلص والمحكمة تيخصك الادلة هدا ماشي مشكل نخلصو ولكن المتعة والسكن علاش مسكنتش معيا تزوجنا ورجعت حتي انا معرمني مشيت عندها هد الفكرة لقالتي هي لدار المحامي بالي الام ديالها هي لغدي تشد الاستدعاء وتبلغها لها ولكن هما تما تيقوا لمها خص هي تجي عندنا وتاخد الاسدعاء حيث كينة بسميتها والعون القضاي ديال تما متيجوبش واخ حتي شدتها حيث كل دولة والقانون ديالها حيث هو من المفروض اجوب المحكمة اقول لها بالي متغيبة ملقهاش في دار يعني خص اعطي شي سباب هد الشي لقالو ليا في المحكمة دبا راه هما لغدين اقلبو عليها ودغيا غدين اجبدوها ولكن انا فاش نفعني حتي الا جبدوها حتي دازت 5 سنين وانا شكون غدي يعوضني في هد 5 سنين لمشات غير هكاك

وي فعلا انت متضرر و بزاف و ما كاين لي غ يعوضك و هذا هو القانون .. الله اكون معك و اهديها هي تسلم .. و ع الله القاوها و اجيبوها و طلق و تهنى .. اما ما عندك مادير بها اصلا ..
و الله افكك و افكني حتى انا على خير ..
خاص اكونو تسهيلات في بحال هاد الحالات ديالنا و اعطيونا حق ع الاجانب و اشوفو مصلحة المواطن اولا ..
كون غ كايديرو الجلسة فيها الحضور اونلاين و افكونا هههه بحال الى نيت حضرو ..
اللهم يسر

هي راه تتوصل بالاستدعاء ولكن دولة ديالها متجوبش قهروني بترجمة ديال الاستدعاءات ها هما دبا غدين اتكلفو وغدين القوها دغيا واش اجيبوها ولا غيقولو ليا ثاني نترجم الوراق ونسيفت الله واعلم هدا الشي عيني ومرضني بكثرة طلغ وهبط بدون جدوي

غير زيد صبر اخويا كولشي غ يتحل ان شاء الله مسالة وقت وصافي .. الله يسر الامور

اختي راه صبر تقضي 5 سنين وهي غايبة وزايدها بالخصرنا ها المحامي ها المترجمين وطلع هبط وهد الشي كلشي نزيد نخلصها باقي من الفوق الصدق والعدة والمتعة علاش زعمة هدا الشي حيث هي اجنبية وانا مغربي مادم انها هي لمشات متتسال والو المهم الله افرج وصاقي

لا ما شي لانها اجنبية غادي تخلصها .. القانون كايقول الى الراجل رفع دعوى الطلاق هو كابخلص لها مستحقاتها لي ذكرتي .. حتى لو كانت مغربية ورفعتي عليها دعوى راه غ تعطيها نفس المستحقات الا الى رفعاتها هي ما كتسال والو بحال في حالتي انا ما غ ندي والو و ما بغيت منو اصلا والو .. الصراحة ما عرفتش فين نقدر نتواصل معك .. خلي لي رقمك ولا ايميلك
شكراا

المحامي قال ليا غدي نخلص الصدق و3 اشهور ديال العدة هدو بزاز اما المتعة تيبقي من اختصاص القضاء .اوكي ها هي النمرتي 0630150096